Трыба (біялогія)

Трыба, або калена (лац.: tribus) — таксанамічны ранг у біялагічнай сістэматыцы, які ў іерархіі сістэматычных катэгорый стаіць ніжэй за сямейства і вышэй за род.

У некаторых выпадках ўжываюць вытворныя рангі:

• надтрыба, або надкалена (лац.: supertribus) — толькі ў заалогіі;
• падтрыба, або падкалена (лац.: subtribus).

Рангі трыбы і, пагатоў, надтрыбы і падтрыбы ўжываюць толькі ў надзвычай дэталёва распрацаваных класіфікацыях асобных груп.

З наменклатурнага пункту гледжання, трыба належыць да групы сямейства: назва трыбы ўтвараецца праз дадаванне характэрнага канчатка да асновы імя тыпавога роду ў родным склоне. У заалагічнай наменклатуры для трыб прыняты стандартызаваны канчатак -ini, у батанічнай — -eae. Для падтрыб у заалагічнай наменклатуры прыняты стандартызаваны канчатак -ina, а ў батанічнай -inae.

У рускамоўных працах па батаніцы часам ужываюць паняцці калена і падкалена, адпаведныя трыбе і падтрыбе. Гэтая традыцыя замацавана і ў адным з перакладаў МКБН на рускую мову^[1].

Прыклады ўжывання:

• Роды Людзі (Homo) і Шымпанзэ (Pan), разам з Аўстралапітэкам (Australopithecus) і некалькімі іншымі вымерлымі родамі, належаць да трыбы Hominini.
• Род Белакапытнік (Petasites) належыць да падтрыбы Падбелавыя (Tussilagininae) трыбы Крастоўнікавыя (Senecioneae) падсямейства Астравыя (Asteroideae) сямейства Астравыя, або Складанакветныя (Asteraceae, Compositae).

• Джеффри, Чарлз. Биологическая номенклатура: Пер. с англ. — М.: Мир, 1980. — С. 17, 24.

• International codes of Botanical Nomenclature: Saint-Louis Code, 2000 Архівавана 12 снежня 2002., Vienna Code, 2006(англ.) Праверана 18 жніўня 2008 г.
• International Code of the Zoological Nomenclature (4-е выданне, 2000) Архівавана 22 жніўня 2006.(англ.) Праверана 18 жніўня 2008 г.
• International Code of Nomenclature of Бактэрыі (1990)(англ.) Праверана 18 жніўня 2008 г.
• The International Code of Virus and Classification Nomenclature (2002) Архівавана 16 верасня 2011.(англ.) Праверана 18 жніўня 2008 г.