Тур ААЭ

Тур ААЭ

Тур ААЭ 2022
Інфармацыя пра гонку
Час правядзення	люты
Рэгіён	ААЭ
Мясцовая назва	جولة الإمارات
Дысцыпліна	Шашэйны веласпорт
Тып	Супервелашматдзёнка
Арганізатар	RCS Sport
Гісторыя
Першая гонка	2019
Нумар гонкі	4
Першы пераможца	Прымаж Рогліч
Рэкорд перамог	Тадэй Пагачар

Тур ААЭ (англ.: UAE Tour) — штогадовая шашэйная шматдзённая велагонка, якая праходзіць у канцы лютага — пачатку сакавіка па дарогах ААЭ.

Гонка з’явілася ў выніку аб’яднання дзвюх мясцовых гонак — Тура Абу Дабі і Тура Дубая, якія праводзіліся ў краіне з 2014 года, і адразу ўвайшла ў каляндар UCI World Tour.

Арганізатарамі з’яўляюцца спартыўны савет Абу-Дабі (ADSC) і спартыўны савет Дубая (DSC) сумесна з RCS Sport, які праводзіць Джыра д’Італія.

Дыстанцыя новай гонкі складзе сем этапаў замест чатырох-пяці ў кожнага з яе папярэднікаў. У 2019 годзе маршрут прайшоў з Абу-Дабі ў Дубай па тэрыторыях усіх сямі эміратаў, а ў 2020 годзе ў зваротным кірунку.

Лагатып гонкі выкананы ў выглядзе сямівугольніка, які сімвалізуе сем эміратаў, што ўтвараюць ААЭ, і з выкарыстаннем кветак нацыянальнага сцяга.^[1]

№	Год	Пераможца
4	2022	Тадэй Пагачар
3	2021	Тадэй Пагачар
2	2020	Адам Ейтс
1	2019	Прымаж Рогліч

• Афіцыйны сайт