Уладзімір Іванавіч Друцкі-Горскі

Уладзімір Іванавіч Пуцяціч-Друцкі-Горскі-Дудакоўскі, Валодка Іванавіч Горскі (не пазней за 1485 — 1545—1546) — намеснік ашмянскі (да 1515-да 1521).

З роду князёў Друцкіх, сын князя Івана «Дуды» Друцкага-Горскага і Настассі невядомага паходжання^[4].

Упершыню згадваецца ў 8-й кнізе запісаў Метрыкі 15 мая 12 індыкта (1509) у спісе «баяр», якія вярнуліся з маскоўскага палону як князь Валодка Іванавіч^[5]. З чаго вынікае, што князь Валодка разам з іншымі князямі Друцкімі, у тым ліку родным дзядзькам князем Дзмітрыем Васілевічам, браў удзел у маскоўска-літоўскай вайне 1500—1503 гадоў і трапіў у палон у бітве на Вядрошы (1500)^[6]. Да 1515 года атрымаў урад намесніка ашмянскага, напэўна, па сваім цесцю князю Андрэю Прыхабскім, але ў 1521 годзе гэтага ўраду ўжо не меў^[4]. На Попіс 1528 года ставіў трох «коней»^[4]. Выступае сведкам актаў у 1533 і 1544 гадах^[4].

Жанаты з княжной Данімітрай Андрэўнай з Прыхабскіх, таксама вядомай як Марыя і Марына, дзяцей у іх не было^[4].

• Wolff J. Kniaziowie litewsko-ruscy od końca czternastego wieku. — Warszawa: Drukiem J. Filipowicza, 1895.
• Рыбчонак С. Бітва на Вядрошы 1500 г.: рэальныя і міфічныя удзельнікі // Ваенныя трыумфы Вялікага Княства Літоўскага : зб. навук. арт. / Уст. "Музей «Замкавы комплекс „Мір“»"; Польскі інст-т у Мінску; навук. рэд. М. Н. Гальпяровіч.. — Мір: Музей «Замкавы комплекс „Мір“», 2018. — С. 7-45.