Уладзімір Ільіч Андрыянаў

Уладзімір Ільіч Андрыянаў (нар. 31 мая 1944, г. Архангельск, Расія) — беларускі мастак дэкаратыўна-прыкладнога мастацтва, жывапісец.

Нарадзіўся 31 мая 1944 года ў Архангельску. Скончыў у 1972 годзе факультэт дэкаратыўна-прыкладнога мастацтва Маскоўскага тэхналагічнага інстытута. Удзельнік мастацкіх выставак з 1972 года^[1].

Член Беларускага саюза мастакоў з 1977 года^[1].

Жыве ў г. Гомелі^[1].

Працуе пераважна ў кераміцы (шамот, фарфор). Асноўныя творы: дэкаратыўныя кампазіцыі «Жанглёр», «Шахматысты», «На працу ў космас», «Адпачынак», «Сям’я», «Раніца»; дэкаратыўныя талеркі «Ганчар», «У садзе», «Цырк», «Падарункавыя», «Птушкі», «Старажытны Гомель», «3 гісторыі спорту», сервіз «Мара», дэкаратыўны рэльеф «Майстэрня»^[1].

Творы знаходзяцца ў Нацыянальным мастацкім музеі Беларусі, фондах Міністэрства культуры Расіі, фондах БСМ^[1].

• Уладзімір Ільіч Андрыянаў на сайце анлайн-энцыклапедыі «Беларусь у асобах і падзеях»