Уладзімір Аляксандравіч Мірончык

Уладзімір Аляксандравіч Мірончык
Асноўная інфармацыя
Дата нараджэння	18 мая 1989(1989-05-18) (35 гадоў)
Месца нараджэння	Замошша, Зарэцкі сельсавет, Лагойскі раён, Мінская вобласць, БССР, СССР
Краіна	Беларусь
Маці	Валянціна Мечыславаўна Мірончык[d]
Альма-матар	Зарэчанская базавая агульнаадукацыйная школа Лагойскага раёна[d] ДУА «Плешчаніцкая дзіцячая школа мастацтваў»[d]
Музычная дзейнасць
Прафесіі	музыказнавец, дзеяч культуры, дырыжор, паэт, кампазітар, спявак
Пеўчы голас	бас-прафунда[d]
Інструменты	акардэон, арган, фартэпіяна, вакал, блокфлейта[d] і баян[d]

Уладзімір Аляксандравіч Мірончык (18 мая 1989, в. Замошша, Лагойскі раён, Мінская вобласць) — беларускі музыказнавец, дырыжор, кампазітар, паэт.

Нарадзіўся 18 мая 1989 года ў вёсцы Замошша Зарэчанскага (цяпер Акцябрскага) сельскага савета Лагойскага раёна.

Шмат гадоў жыў і працаваў у Лагойску. Пад яго кіраўніцтвам народны вакальны ансамбль «Лагойская жывіца»^[1] двойчы заваёўваў званне лаўрэата Рэспубліканскага фестывалю харавога мастацтва «Пеўчае поле» (2019 — лаўрэат ІІІ ступені ^[2], 2021 — лаўрэат ІІ ступені^[3], стаў лаўрэатам міжнароднага конкурсу «Новыя вяршыні» (2020)^[4].

З’яўляецца аўтарам музычных твораў^[5] для акардэона^[6], фартэпіяна^[7], аргана, аркестравых і харавых партытур. У 2017 годзе выпусціў зборнік нот «Вальсы для акардэона» ^[8].

Аўтар зборніка паэзіі «Беларусам» (2017)^[9]. (Зборнік намінаваўся на прэмію імя Багдановіча ^[10] і прэмію імя Арсенневай) ^[11]

Сярод найбольш значных твораў кампазітара — зборнік музыкі ў старадаўнім стылі «Лагойскі сшытак» (імаверна, назва зборніку дадзена па аналогіі з музычнымі помнікамі Беларусі «Полацкі сшытак» і «Віленскі сшытак»), «Рэквіем», сімфанічная карціна «BROWN», «Божая літургія Іаана Златавуста» (на кананічны тэкст праваслаўнага набажэнства).

Кнігі Уладзіміра Мірончыка напісаны на беларускай мове. Вершы з ілюстрацыямі «Легенды і паданні» ^[12], зборнік паэзіі «Думкі» ^[13], кніга прозы і вершаў «Выбранае»^[14]

Як музыказнаўца стварыў беларускамоўны цыкл мастацкіх біяграфій (музычнай літаратуры ў аўдыёфармаце) класічных кампазітараў^[15].

Музычныя творы Уладзіміра Мірончыка размешчаны на розных лічбавых платформах, у тым ліку soundcloud ^[16].