Уладзімір Мікалаевіч Тарноўскі

Уладзімір Мікалаевіч Тарноўскі
Дата нараджэння	17 студзеня 1947(1947-01-17) (78 гадоў)
Месца нараджэння	Ужгарад, Закарпацкая вобласць, УССР, СССР
Грамадзянства	СССР  Беларусь
Альма-матар	Львоўская палітэхніка (1970)
Месца працы	Мінскпраект Белдзяржпраект
Член у	Саюз архітэктараў СССР Беларускі саюз архітэктараў
Прэміі

Уладзімір Мікалаевіч Тарно́ўскі^[1] (нар. 17 студзеня 1947, Ужгарад, Закарпацкая вобласць, Украіна) — савецкі і беларускі архітэктар.

Скончыў у 1970 годзе Львоўскі політэхнічны інстытут. З 1970 года — архітэктар, галоўны архітэктар праектаў у «Мінскпраекце», з 1987 года — кіраўнік майстэрні «Белдзяржпраекта». У 1989—1996 гадах кіраўнік персанальнай творчай майстэрні, з 1996 года ізноў у інстытуце «Мінскпраект»^[1].

Член Саюза архітэктараў з 1974 года^[1]. Пражываў у Мінску.

Асноўныя работы (у сааўтарстве): у Мінску — комплекс 9-, 12-павярховых жылых дамоў для Беларускай ваеннай акругі па Старавіленскім тракце (1974—1980), студэнцкі інтэрнат Інстытута народнай гаспадаркі па вуліцы Ванеева (1975), Дзяржаўны музычны тэатр Беларусі (1980), помнік А. С. Пушкіну і ландшафт навакольнага асяроддзя (1999); жылы гарадок Рось (Дзяржаўная прэмія Беларусі 1998); рэканструкцыя Рэзідэнцыі Прэзідэнта Рэспублікі Беларусь «Дразды» пад Мінскам (1997) і будынка Нацыянальнага банка Беларусі па вул. Леніна (2000). Сярод іншых работ: забудова мікрараёна «Тарон-4» у горадзе Ванадзор (Арменія; 1992), жылы дом па вуліцы Леніна ў Астане (1998)^[1].

Дыплом Саюза архітэктараў СССР на Усесаюзным аглядзе творчасці маладых архітэктараў (1982)^[2]. Лаўрэат Дзяржаўнай прэміі Рэспублікі Беларусь у галіне літаратуры, мастацтва і архітэктуры (1998, у сааўтарстве) — за архітэктуру жылога гарадка Рось Ваўкавыскага раёна Гродзенскай вобласці, здадзенага ў эксплуатацыю ў 1994—1997 гадах.

• Тарно́ўскі Уладзімір Мікалаевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 442. — 10 000 экз. — ISBN 985-11-0035-8. — ISBN 985-11-0251-2 (т. 15).
• Тарновский Владимир Николаевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)