Уладзімір Міхайлавіч Говар-Бандарэнка

Уладзімір Міхайлавіч Говар-Бандарэнка
Дата нараджэння	21 чэрвеня 1914(1914-06-21)
Месца нараджэння	Рагачоў, Рагачоўскі павет, Магілёўская губерня, Расійская імперыя
Дата смерці	31 жніўня 1988(1988-08-31) (74 гады)
Грамадзянства	Расійская імперыя  СССР
Адукацыя	Беларуская тэатральная студыя пры Цэнтральным тэатральным вучылішчы ў Ленінградзе[d] (1937)
Прафесія	тэатральны акцёр
Тэатр	Беларускі дзяржаўны акадэмічны тэатр юнага гледача Менскі беларускі тэатр Гродзенскі абласны драматычны тэатр Брэсцкі акадэмічны тэатр драмы імя Ленінскага камсамола Беларусі Беларускі дзяржаўны акадэмічны тэатр юнага гледача
Узнагароды

Уладзімір Міхайлавіч Говар-Бандарэнка (21 чэрвеня 1914, Рагачоў — 31 жніўня 1988) — беларускі акцёр, заслужаны артыст БССР (1961).

Нарадзіўся 21 чэрвеня 1914 года ў Рагачове. Скончыў Беларускую студыю пры Цэнтральным тэатральным вучылішчы ў Ленінградзе ў 1937 годзе. Працаваў у 1937—1941 гадах у Беларускім тэатры юнага гледача БССР, у 1942—1944 гадах у Мінскім гарадскім тэатры, у 1944—1946 у Гродзенскім абласным драматычным тэатры, у 1946—1949 гадах у Брэсцкім абласным драматычным тэатры, у 1955—1978 гадах у Беларускім рэспубліканскім тэатры юнага гледача.

Член Беларускага саюза тэатральных дзеячаў з 1947 года.

Створаныя ім вобразы вызначаліся псіхалагічнай дакладнасцю. Сярод роляў: Янук, Язэп Шыдлоўскі («Папараць-кветка», «Над хвалямі Серабранкі» І. Козела), Максім Кутас («Чаму ж мне не пець, чаму ж не гудзець» паводле Я. Купалы і М. Чарота), Гусляр («За лясамі дрымучымі» А. Вольскага і П. Макаля), пан Бараноўскі, Канцлер («Несцерка», «Цудоўная дудка» В. Вольскага), Гараднічы («Рэвізор» М. Гогаля), Алег Баян («Клоп^[ru]» У. Маякоўскага), Мантанелі («Авадзень^[ru]» паводле Э. Л. Войніч), тата Карла («Прыгоды Бураціна^[ru]» паводле А. Талстога), Тарталья («Зялёная птушка^[ru]» К. Гоцы).

• Говар-Бандарэнка Уладзімір Міхайлавіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).