Уладзімір Уладзіміравіч Карызна

Уладзі́мір Уладзі́міравіч Кары́зна (нар. 30 верасня 1962, г.п. Опса, Браслаўскі раён, Віцебская вобласць, БССР) — беларускі кампазітар.

Пасля школы скончыў музычнае вучылішча, служыў у войску.

У 1990 годзе скончыў Беларускую дзяржаўную кансерваторыю па спецыяльнасці «кампазіцыя» прафесара Яўгена Глебава. Член Беларускага саюза кампазітараў з 1991 года.

Працаваў у 1995—1997 гадах на Беларускім тэлебачанні, у 1998—1999 гадах на кінастудыі «Беларусьфільм». З 2005 года працуе мастацкім кіраўніком творчага аб’яднання «Прэм’ера» Вышэйшага дзяржаўнага каледжу сувязі.

Працуе ў розных музычных жанрах. Напісаў харавыя цыклі на вершы Максіма Багдановіча і Уладзіміра Карызны-старэйшага, сімфанічныя паэмы, інструментальныя і эстрадныя п’есы, апрацоўкі беларускіх народных песняў, творы для дзяцей, песні.

• Лаўрэат рэспубліканскіх конкурсаў патрыятычнай песні 1989, 1990 гг.
• II прэмія і ганаровы прыз Федэрацыі прафсаюзаў беларускай на II рэспубліканскім конкурсе ваенна-патрыятычнай песні 1995 года.
• Пераможца рэспубліканскага конкурсу песняў, прысвечаных горада Мінска (1999)
• Аўтар песні-пераможцы на Усерасійскім конкурсе салдацкай песні ў намінацыі «Песні сучасных аўтараў» (2002)
• Уладальнік дыплому і спецпрыза «Найлепшая песня X Рэспубліканскага конкурсу маладых эстрадных выканаўцаў „Белазаўскі акорд“» (2011)
• Граматы Міністэрства сувязі і інфарматызацыі Беларусі

Жанаты, жонка Святлана — піяністка. Старэйшая дачка Анастасія — скрыпачка^[1], сын Іван — віяланчэліст, ^[2].

• Жыццяпіс на старонцы Беларускага саюза кампазітараў
• Жыццяпіс на старонцы Беларускай дзяржаўнай філармоніі
• Творы Уладзіміра Карызны(недаступная спасылка) ў электронным каталогу Нацыянальнай бібліятэкі Беларусі