Факультэт падрыхтоўкі навуковых кадраў Універсітэта грамадзянскай абароны МНС РБ

Факультэт падрыхтоўкі навуковых кадраў Універсітэта грамадзянскай абароны Міністэрства па надзвычайных сітуацыях Рэспублікі Беларусь — адзін з факультэтаў Універсітэта грамадзянскай абароны МНС Рэспублікі Беларусь.

Факультэт з’яўляецца арганізацыйна-адміністрацыйным структурным падраздзяленнем Дзяржаўнай установы адукацыі «Універсітэт грамадзянскай абароны Міністэрства па надзвычайных сітуацыях Рэспублікі Беларусь», які забяспечвае планаванне, арганізацыю і кантроль рэалізацыі адукацыйных праграм паслядыпломнай адукацыі, што фарміруюць веды, уменні і навыкі навукова-педагагічнай і навукова-даследчай работы і атрыманне вучонай ступені кандыдата навук і доктара навук.

Факультэт створаны на падставе загаду МНС ад 30 жніўня 2016 года № 199, якім зацверджаны структура і штат Універсітэта грамадзянскай абароны МНС Беларусі^[1].

Факультэт падрыхтоўкі навуковых кадраў каардынуе работу наступных кафедраў Універсітэта:

• гуманітарных навук;
• прыродазнаўчых навук;
• сучасных моў;
• працэсаў гарэння і выбуху.

Дзейнасць кафедраў рэгламентуецца адпаведным палажэннем аб кафедры.

Факультэт ажыццяўляе падрыхтоўку па наступных спецыяльнасцях паслядыпломнай адукацыі:

• Ад’юнктура:
  • «Бяспека ў надзвычайных сітуацыях»;
  • «Пажарная і прамысловая бяспека»;
  • «Грамадзянская абарона»
• Дактарантура:
  • «Бяспека ў надзвычайных сітуацыях»;
  • «Пажарная і прамысловая бяспека»