Фракійская грабніца ў Свештарах

Фракійская грабніца ў Свештарах
Фракійская грабніца ў Свештарах*
**
Сусветная спадчына ЮНЕСКА
Краіна	Балгарыя
Тып	Культурная спадчына
Крытэрыі	i, iii
Спасылка	359
Рэгіён***	Еўропа
	Гісторыя ўключэння
Уключэнне	1985 (3-я сесія)
	* Міжнародная канвенцыя «ЮНЕСКА»; Назва ў афіцыйным англ. спісе; * Рэгіён па класіфікацыі ЮНЕСКА

Фракійская грабніца — размешчана ў 2,5 км на паўднёвы захад ад села Свештары ў паўночна-усходняй частцы Балгарыі.

Адкрыта грабніца ў 1982 годзе пры раскопках гарадзішча. Датуецца III стагоддзем да нашай эры. Будавалася, меркавана, для фракійскага кіраўніка племені гетаў і яго жонкі.

Архітэктурны дэкор маўзалея лічыцца ўнікальным — на сценах шматколерныя раслінныя малюнкі і мудрагелістых форм карыятыды. Дзесяць жаночых фігур, выразаных на сценах цэнтральнай пахавальнай камеры, унікальныя і ніколі не сустракаліся ў фракійскіх землях. Яны з'яўляюцца сведчаннем кантактаў фракійцаў са старажытнымі элінамі.

Па касцях, раскіданых у маўзалеі, адноўлены шкілеты маладой жанчыны і двух мужчын — маладога і пажылога. Трэці, бакавы пакой грабніцы, прызначаны для захоўвання дароў аказаўся пустым. Лічыцца, што маўзалей быў разрабаваны. Аднак, невядома калі, і чаму рабаўнікі пасля таго, як выснеслі скарбы, зацэментавалі за сабой уваход у грабніцу.

У будаўніцтве грабніцы ўжыты характэрны для фракійцаў «сухі», без якіх-небудзь змацавальных раствораў, мур, прычым вапняковыя пліты падагнаны так шчыльна, што ў шчыліну не пралазіць лязо нажа.

У радыусе 2-х кіламетраў знойдзена яшчэ 26 курганоў розных памераў і ўвесь гэты раён абвешчаны археалагічным запаведнікам.