Фёдар Кірылавіч Паўлоўскі

Фёдар Кірылавіч Паўлоўскі
Фёдар Кірылавіч Паўлоўскі
Дата нараджэння	2 сакавіка 1921
Месца нараджэння	Sosnivka[d], Q16722494?, Чыгірынскі павет[d], Крэменчугская губерня[d], УССР;
Дата смерці	6 кастрычніка 1943 (22 гады)
Месца смерці	Піркі, Хракавіцкі сельсавет, Брагінскі раён, Палеская вобласць, БССР, СССР;
Месца пахавання	Брагінскі раён;
Прыналежнасць	СССР
Род войскаў	пяхота
Гады службы	1940—1943
Званне	Лейтэнант
Часць	365-я стралковая дывізія; 61-я армія; Цэнтральны фронт
Бітвы/войны	Вялікая Айчынная вайна

Фёдар Кірылавіч Паўлоўскі (2 сакавіка 1921 года, Сасноўка, Алэксандрыўскага раёна Кіраваградскай вобласці — 6 кастрычніка 1943 года, вёска Піркі, Брагінскага раёна Гомельскай вобласці^[1]) — Герой Савецкага Саюза, удзельнік Вялікай Айчыннай вайны.

Біяграфія

Нарадзіўся ў вёсцы Сасноўка, цяпер Алэксандрыўскага раёна Кіраваградскай вобласці. Украінец.

У 1940 скончыў Чаркаскі сельскагаспадарчы тэхнікум, пачаў працаваць аграномам у калгасе. У тым жа годзе прызваны ў Рабоча-Сялянскую Чырвоную Армію.

На фронце з 1941 года. Камсорг 2-га стралковага батальёна 1181-га стралковага палка 356-й стралковай дывізіі лейтэнант Ф. К. Паўлоўскі асабліва вызначыўся пры вызваленні Камарынскага (цяпер Брагінскага) раёна Беларусі.

6 кастрычніка 1943 г. з групай байцоў заняў стратэгічна важную вышыню на правым беразе ракі Дняпро каля вёскі Піркі. Пры адбіванні шматлікіх контратак праціўніка усе байцы групы загінулі. Застаўшыся на вышыні адзін, камсорг працягваў весці бой з праўзыходнымі сіламі ворага і, знішчыўшы 65 нямецкіх салдат, ўтрымаў важны рубеж. У той жа дзень загінуў пры выкананні баявога задання.

Указам Прэзідыума Вярхоўнага Савета СССР ад 15 студзеня 1944 года лейтэнанту Паўлоўскаму Фёдару Канстанцінавічу было прысвоена званне Героя Савецкага Саюза ^[2].

Пахаваны ў гарадскім пасёлку Камарын ў брацкай магіле савецкіх воінаў і партызан.

Памяць

Імем Ф. К. Паўлоўскага названая вуліца ў Камарыне^[3], каля Сасноўскай школы, якая носіць яго імя, устаноўлены бюст героя^[1], у пасёлку Аляксандраўка — барэльеф.