Фёдар Мікалаевіч Жыляк

Фёдар Мікалаевіч Жыляк (25 мая 1957, Карталы, Чалябінская вобласць — 18 красавіка 2025) — беларускі кампазітар і спявак.

Нарадзіўся ў 1957 годзе ў Расіі, у Чалябінскай вобласці, дзе тады працавалі яго бацькі-чыгуначнікі. Яшчэ ў маленстве ён разам з сям'ёй прыехаў у Баранавічы.

Быў спеваком, у маладосці саліраваў у ансамблі «Сябры». Пасля вярнуўся ў Баранавічы, стаў працаваць у гарадскім Доме культуры і ў 1982 годзе стварыў там музычны гурт «Явар». На працягу 27 гадоў Фёдар Жыляк быў яго кіраўніком, разам з ім гурт атрымаў узнагароды на конкурсах і фестывалях. У 2009 годзе інфармацыя пра кампазітара Фёдара Жыляка і гурт «Явар» увайшла ў энцыклапедыю сучаснай беларускай музыкі. Таксама Фёдар Жыляк супрацоўнічаў з народным тэатрам «Эксперымент», напісаў музыку для больш чым двух дзясяткаў спектакляў і пастановак.

Яго песні ўвайшлі ў рэпертуар шэрагу беларускіх выканаўцаў. Сярод вучняў Фёдара Жыляка — спявачка Гюнеш.

Ганаровы грамадзянін горада Баранавічы, аўтар музыкі для гімна горада.

Памёр у 2025 годзе.

Артыкулу нестае спасылак на крыніцы. Змест артыкулаў мусіць быць правяральным або іх могуць выдаліць. Вы можаце адрэдагаваць артыкул і дадаць спасылкі на аўтарытэтныя крыніцы.

• nashkraj.by