Фіялка Рывініуса

Фіялка Рывініуса
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Фіялкавыя Род:  Фіялка Від:  Фіялка Рывініуса
Міжнародная навуковая назва
Viola riviniana Rchb.
Сістэматыка на Віківідах Выявы на Вікісховішчы NCBI   214052 EOL   2867522 IPNI   869126-1 TPL   kew-2459647

Фіялка Рывініуса^[1] (Viola riviniana) — шматгадовая травяністая расліна роду фіялка (Viola) сямейства фіялкавыя (Violaceae).

Мнагалетнік вышынёй 5—15 см з доўгім, паўзучым карэнішчам.

Сцябло прамое або узыходнае, разгалінаванае ля асновы.

Лісце прыкаранёвае — доўгачарашковае, яйкападобнае, тупое, гародчатае; верхняе — кароткачарашковае, меншага памеру. Прылісткі ланцэтныя, з доўгімі махрамі.

Кветкі абодваполыя, сіметрычныя, на доўгіх кветаножках, з 5 пялёсткамі. Чашалісцікі шырокаланцэтныя, з вялікімі, сэрцападобнай прыдаткамі. Пялёсткі венчыка светла-ліловыя, у сярэдзіне белыя, шыроказваротнаяйкападобныя, з тупым белым шпорцам.

Цвіце ў красавіку—чэрвені.

Плод — трохстворчатая каробачка.

Распаўсюджаная ў Еўропе, Паўночнай Афрыцы і на захадзе Азіі ў галінах міжземнаморскага, умеранага і марскога клімату. Святлалюбівая. Расце на сухіх, багатых мінеральнымі рэчывамі глебах: на травяністых палянах, лугах, сярод кустоў, па ўзлесках светлых лясоў. Ценевынослівая расліна, мезафіт, мезатроф, эўтроф^[2].

• Рандушка Д., Шомшак Л., Габерова И. Цветовой атлас растений. — Братислава: Обзор, 1990. — 416 с. — ISBN 80-215-0068-9
• Губанов И. А., Киселёва К. В., Новиков В. С., Тихомиров В. Н. 919. Viola riviniana Reichenb. — Фиалка Ривиниуса // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2003. — Т. 2. Покрытосеменные (двудольные: раздельнолепестные). — С. 574. — ISBN 9-87317-128-9.

• Фиалка Ривинуса: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) (Праверана 6 ліпеня 2023)
• Viola riviniana Rchb. (Фиалка Ривиниуса) у базе біяразнастайнасці на сайце інфармацыйна-аналітычнай сістэмы «ООПТ России». (руск.) (Праверана 6 ліпеня 2023)