Цясноўскі сельсавет (Стаўбцоўскі раён)

Цясноўскі сельсавет
Краіна	Беларусь
Уваходзіць у	Стаўбцоўскі раён
Уключае	15 населеных пунктаў
Адміністрацыйны цэнтр	Цеснавая 1
Дата ўтварэння	14 лютага 1983
Дата скасавання	28 мая 2013
Насельніцтва (2009)	1 664
Часавы пояс	UTC+03:00
Код аўтам. нумароў	5

Цясно́ўскі сельсавет — былая адміністрацыйна-тэрытарыяльная адзінка ў складзе Стаўбцоўскага раёна Мінскай вобласці. Цэнтр — аграгарадок (да 2008 г. вёска) Цеснавая 1.

Утвораны 14 лютага 1983 года ў Стаўбцоўскім раёне Мінскай вобласці БССР у складзе 17 населеных пунктаў (7 населеных пунктаў Літвенскага сельсавета: вёскі Дзенісы, Драздоўшчына, Куль, Сапуцевічы, Серкулі, Слабодка, Судзевічы, і 10 населеных пунктаў Хатаўскога сельсавета: вёскі Заменка, Зеневічы, Мешычы, Пятрова, Пятрылавічы, Цеснавая 1, Цеснавая 2, хутары Алешкавец, Альшанка, Казялец) з цэнтрам у вёсцы Цеснавая 1^[1]. У 1984 годзе скасаваны хутары Альшанка і Казялец^[2]. 28 мая 2013 года сельсавет скасаваны, яго тэрыторыя далучана да Літвенскага сельсавета^[3].

Насельніцтва сельсавета паводле перапісу 2009 года складала 1664 чалавекі^[4], з іх 37,4 % — беларусы, 37,1 % — палякі 4,7 % — рускія^[5].

На момант скасавання ў склад сельсавета ўваходізілі 15 населеных пунктаў:

• Алешкавец
• Дзенісы
• Драздоўшчына
• Заменка
• Зеневічы
• Куль
• Мешычы
• Пятрова
• Пятрылавічы
• Сапуцевічы
• Серкулі
• Слабодка
• Судзевічы
• Цеснавая 1
• Цеснавая 2

• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.