Цімафей Якаўлевіч Гарноў

Цімафей Якаўлевіч Гарноў
Цімафей Якаўлевіч Гарноў
Дата нараджэння	1916
Месца нараджэння	Асіпова, Аршанскі павет, Магілёўская губерня, Расійская імперыя;
Дата смерці	23 кастрычніка 1944
Месца смерці	каля Бабушкіна[d], Расія;
Месца пахавання	Калінінградская вобласць;
Грамадзянства	СССР;
Прыналежнасць	Расійская імперыя, СССР
Род войскаў	артылерыя
Гады службы	1937—1939, 1941—1944
Званне	старшы сяржант
Бітвы/войны	Вялікая Айчынная вайна

Цімафей Якаўлевіч Гарноў (1916, в. Асіпова, Расійская імперыя (цяпер Лёзненскі раён, Віцебская вобласць, Беларусь — 23 кастрычніка 1944, ля паселішча Грос Дэгезен (руск.) (бел., ва Усходняй Прусіі, Трэці рэйх; цяпер Калінінградская вобласць) — удзельнік Вялікай Айчыннай вайны, старшы сяржант, камандзір гарматы 2-га дывізіёна 597-а артылерыйскага палка (159-я стралковая Віцебская Чырванасцяжная ордэна Суворава дывізія, 5-я армія, 3-і Беларускі фронт). Герой Савецкага Саюза (1945)^[1].

Біяграфія

Ц. Я. Гарноў нарадзіўся ў сялянскай сям’і. У 1937—1939 гадах праходзіў службу ў Чырвонай Арміі, потым жыў і працаваў у горадзе Свабодны Амурскай вобласці.

У Чырвоную Армію быў прызваны Свабодненскім РВК у 1941 годзе. У час Вялікай Айчыннай вайны з сакавіка 1942 года на Паўночна-Заходнім, Заходнім, Калінінскім, 3-м Беларускім франтах^[1].

Камандзір гарматы старшы сяржант Ц. Гарноў вызначыўся ў час Каўнаскай наступальнай аперацыі (руск.) (бел.. У час прарыву абароны праціўніка на левым беразе ракі Нёман 29 чэрвеня 1944 года яго гарматай былі знішчаны назіральны пункт і 5 кулямётаў праціўніка^[1]. У час баёў 3—17 жніўня 1944 года разлік Ц. Я. Гарнова знішчыў 4 танкі, штурмавую гармату і вялікую колькасць жывой сілы праціўніка і 17 жніўня ў ліку першых выйшаў на Дзяржаўную мяжу СССР на рацэ Шашупэ.

Загінуў Ц. Я. Гарноў у баі^[1] на тэрыторыі Усходняй Прусіі. Пахаваны ў брацкай магіле ў сяле Грос Дэгезен (у цэнтры сучаснага пасёлка Бабушкіна Несцераўскага раёна Калінінградскай вобласці Расіі)^[1].

Узнагароды

Памяць

Імя Ц. Я. Гарнова прысвоена васьмігадовай школе ў вёсцы Асіпова, у якой ён вучыўся; на будынку школы ўстаноўлена мемарыяльная дошка^[2].
Імя Героя носіць рыбалоўны траўлер на Балтыцы^[1].
Пастановай Урада Калінінградскай вобласці ад 23 сакавіка 2007 года № 132 мемарыяльны комплекс на брацкай магіле савецкіх воінаў атрымаў статус аб’екта культурнай спадчыны мясцовага (муніцыпальнага) значэння^[3].

Зноскі

↑ ^а ^б ^в ^г ^д ^е Горнов Тимофей Яковлевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 164-165. — 737 с.
↑ Горнов Тимофей Яковлевич Архівавана 4 лютага 2019..
↑ Мемориальный комплекс на братской могиле советских воинов.

Літаратура

Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — С. 64.
Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)