Ціраспаль (Віцебск)

Ціраспаль
Краіна	Беларусь
Вобласць	Віцебская
Раён	Віцебскі
Сельсавет	Заронаўскі
Каардынаты	55°13′22″ пн. ш. 30°07′12″ у. д.HGЯO

Ціраспаль (трансліт.: Ciraspaĺ, руск.: Тирасполь) — былы пасёлак у Віцебскім раёне Віцебскай вобласці. Уваходзіў у склад Заронаўскага сельсавета. З 1966 года ў складзе Віцебска.

Гісторыя

У XVIII ст. з’яўляўся цэнтрам дзяржаўнага маёнтка. Потым быў уласнасцю Цеханавецкіх, Пацаў (здавалі ў арэнду). У 1878 г. належаў купцу Фрыдрыху Іванавічу Кронбергу. У маёнтку было 2064 дз. зямлі^[1].

У пачатку XX ст. знаходзіўся ва ўласнасці Яўгена Андрэевіча і Мікалая Фрыдрыхавіча Кронбергаў. У маёнтку было 1600 дз. ворнай зямлі, 620 дз. няўдобіц і 415 дз. — пад лесам^[1]. У 1906 маёнтак Церасполле ўваходзіў у Мішкаўскую воласць Віцебскага павета^[2]. У маёнтку размяшчалася валасное праўленне^[1].

З 20 жніўня 1924 года цэнтр Віцебскага сельсавета Лосвідскага раёна Віцебскай акругі БССР^[3]. З 22 снежня 1960 года вёска ў складзе Заронаўскага сельсавета Віцебскага раёна^[4]. У 1966 годзе ўвайшоў у склад Віцебска^[5], у Чыгуначным раёне горада. На тэрыторыі былога пасёлка вуліцы Шумілінская, 1-я — 6-я Ціраспальскія, Ленінградская (да 1973 — Гарадская шаша)^[2].

Страчаная спадчына

Сядзіба не захавалася. Да нашага часу захаваліся некаторыя дрэвы панскага парку і сажалка^[1].

Вядомыя асобы

Ігнат Феліксавіч Цеханавецкі (1815 — да 1894) — удзельнік паўстання 1863—1864 гадоў.

Зноскі

↑ ^а ^б ^в ^г Півавар М. В. Ціраспаль // Сядзібы Віцебшчыны. — Мн.: БелЭн, 2020. — 256 с. — ISBN 978-985-11-1202-5.
↑ ^а ^б Тирасполь // Витебск: Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — ISBN 5-85700-004-1.
↑ Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
↑ Рашэнне выканкома Віцебскага абласнога Савета дэпутатаў працоўных ад 22 снежня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1961, № 4 (924).
↑ Указ Прэзідыума Вярхоўнага Савета Беларускай ССР Аб уключэнні вёскі Мішкава і пасёлка Ціраспаль у мяжу горада Віцебска ад 17 мая 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1966, № 16 (1136).

Літаратура

Тирасполь // Витебск: Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — ISBN 5-85700-004-1.