Шэрая кугакаўка

Шэрая кугакаўка
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Совападобныя Сямейства:  Савіныя Падсямейства:  Stringinae Род:  Strix Від:  Шэрая кугакаўка
Міжнародная навуковая назва
Strix aluco Linnaeus, 1758
Арэал
Ахоўны статус
Выклікаюць найменшыя асцярогі IUCN 3.1 Least Concern : / 22725469
Сістэматыка на Віківідах Выявы на Вікісховішчы ITIS   177920 NCBI   111821 EOL   1178288 FW   365951

Шэрая кугакаўка (Strix aluco) — птушка сярэдняй велічыні з сямейства савіныя, распаўсюджаная на большай частцы тэрыторыі Еўропы, а таксама ва Усходняй Азіі.

Шэрая кугакаўка дасягае велічыні да 38 см і важыць ад 400 да 640 г. У яе цёмныя вочы і круглая галава, якой яна можа круціць на 270°. Вушныя пучкі адсутнічаюць. Апярэнне афарбавана ў маскіровачны шэры колер або колер кары дрэў, а крылы ў параўнанні з іншымі відамі соў кароткія, шырокія і акругленыя. Пары з рознай афарбоўкай могуць мець розных дзіцянятаў.

Арэал разарваны: Еўропа (акрамя поўначы), цэнтральна-заходняя і Малая Азія, паўночна-заходняя Афрыка, а таксама ад Алтайскіх гор і Гіндукуша да Карэйскага п-ва і ўсходу Кітая ўключна. На Беларусі звычайны на гнездаванні аселы від.

Засяляе краі старых дрэвастояў (ахвотней змяшаных ці лісцевых) па суседству з палямі і лугамі, групы дрэў, а таксама паркі і алеі са старых лісцевых дрэў; часам забудовы, і нават паселішчы і гарады. Звычайна жыве ў нізінах, але ў Альпах даходзіць да 1600 м, а ў Турцыі — да 2350 м над у.м.

Гняздо робіць у вялікім дупле, шчылінах скал і руін, а таксама ў пабудовах; часам займае старыя гнёзды сарок, варон і нават вавёрак, у выключных выпадках — у земляных норах або паміж каранямі дрэў. Занімае гнездавыя скрынкі.

Яйкі (2-4, часам 1-6) звычайна авальныя, уздутыя з тупым вузейшым канцом, белыя (часам з жаўтаватым адценнем), бліскучыя, з крыху шурпатай паверхняй.

• S. a. aluco — Скандынавія, Цэнтральная і Усходняя Еўропа, Паўночная Італія, Балканы;
• S. a. sylvatica — Вялікабрытанія і захад Еўропы, Сардзінія, Сіцылія, Паўднёвая Італія, Грэцыя, Малая Азія, Блізкі Усход;
• S. a. willkonskii — Каўказ;
• S. a. siberiae — ад Урала да Заходняй Сібіры;
• S. a. biddulphi — поўнач Пакістана і Кашмір;
• S. a. mauritanica — паўночны захад Афрыкі;
• S. a. sanctinicolai;
• S. a. harmsi.

• Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.