Эла Марленаўна Лібанава

Эла Марленаўна Лібанава
Эла Марленаўна Лібанава
	укр.: Елла Марленівна Лібанова
Дата нараджэння	12 лютага 1950 (75 гадоў)
Месца нараджэння	Кіеў, УССР, СССР;
Грамадзянства	СССР; Украіна;
Род дзейнасці	эканаміст
Навуковая сфера	эканоміка і дэмаграфія
Месца працы	Кіеўскі нацыянальны ўніверсітэт імя Тараса Шаўчэнкі; Інстытут дэмаграфіі і сацыяльных даследаванняў імя М. В. Птухі НАН Украіны;
Навуковая ступень	доктар эканамічных навук
Альма-матар	Кіеўскі нацыянальны эканамічны ўніверсітэт імя Вадзіма Гецьмана;
Навуковы кіраўнік	Q20068927?
Член у	Нацыянальная акадэмія навук Украіны;
Узнагароды	; Tugan-Baranovsky Prize[d] (2011) Q30974574? (2012)

Эла Марленаўна Лібанава (укр.: Елла Марленівна Лібанова; нар. 12 лютага 1950(1950-02-12), Кіеў) — украінскі вучоны ў галіне сацыяэканомікі, дэмаграфія і эканомікі працы, акадэмік Нацыянальнай акадэміі навук Украіны (2009, член-карэспандэнт з 2002), доктар эканамічных навук (1992), прафесар (2000), заслужаны эканаміст Украіны (2002). Дырэктар Інстытута дэмаграфіі і сацыяльных даследаванняў імя М. В. Птухі Нацыянальнай акадэміі навук Украіны. Першая за гады існавання НАНУ жанчына — член яе прэзідыума^[1].

Біяграфія

Скончыла Кіеўскі інстытут народнай гаспадаркі імя Д. С. Каротчанка у 1971 годзе. У 1977 годзе абараніла кандыдацкую дысертацыю, у 1993 годзе абараніла доктарскую дысертацыю.

З 1971 па 1977 гады — працавала ў Кіеўскім інстытуце народнай гаспадаркі імя Д. С. Каротчанка (інжынерам, затым малодшым навуковым супрацоўнікам).

З 1977 па 2000 гады — працавала ў Савеце па вывучэнні прадукцыйных сіл Украіны НАН Украіны (ад пасады старэйшага інжынера да загадчыка аддзела).

З 2000 па 2005 гады — навуковы кансультант Прэзідэнта Украіны.

У 2002 годзе абрана членам-карэспандэнтам НАН Украіны па спецыяльнасці «Эканоміка працы». Першая жанчына, абраная членам-карэспандэнтам, а затым і акадэмікам аддзялення эканомікі НАН Украіны^[1].

З 2003 года — намеснік дырэктара па навуковай рабоце Інстытута дэмаграфіі і сацыяльных даследаванняў імя М. В. Птухі НАН Украіны, створаны ёю разам з акадэмікам НАН Украіны С. І. Піражковым.

З 2007 года ўзначальвае Інстытут дэмаграфіі і сацыяльных даследаванняў імя М. В. Птухі НАН Украіны.

У 2009 годзе абрана акадэмікам НАН Украіны па спецыяльнасці «Сацыяэканоміка». З 2009 года — акадэмік-сакратар аддзялення эканомікі НАН Украіны^[2].

Прафесар Кіеўскага нацыянальнага ўніверсітэта імя Тараса Шаўчэнкі, выкладае курс «Сацыяльная статыстыка» на эканамічным факультэце.

З’яўляецца аўтарам больш за 200 прац, апублікаваных ва ўкраінскіх і міжнародных навуковых выданнях, у тым ліку больш за 30 навуковых публікацый у міжнародных выданнях — ААН, Сусветнага банка, ЮНІСЕФ, МАП і іншых.