Эла Раманаўна Сабаленка

Эла Раманаўна Сабаленка (26 верасня 1936, г. Гомель) — беларускі этнограф. Дачка Р. К. Сабаленкі. Кандыдат гістарычных навук (1967).

Скончыла БДУ ў 1959 годзе. 3 1960 у Інстытуце мастацтвазнаўства, этнаграфіі і фальклору Нацыянальнай АН Беларусі, у 1977—2000 выкладала ў Беларускім універсітэце культуры ў Мінску.

Аўтар манаграфіі «Этнаграфічная спадчына Якуба Коласа» (1969), раздзела «Беларусы» («Этнаграфія ўсходніх славян», 1987), раздзелаў у калект. манаграфіях «Беларускае народнае жылья» (1973), «Змены ў побыце і культуры сельскага насельніцтва Беларусі» (1976), «Этнічныя працэсы і лад жыцця» (1980), адзін з аўтараў раздзела «Беларусь» у кнізе «Краіны і народы» (М., 1984).

• Л. А. Суднік. Сабаленка Эла Раманаўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).

• Эла Раманаўна Сабаленка на сайце анлайн-энцыклапедыі «Беларусь у асобах і падзеях»

Памылка Lua у Модуль:External_links на радку 45: assign to undeclared variable 'link'.