Этымалагічны слоўнік беларускай мовы

Этымалагічны слоўнік беларускай мовы
Мова арыгінала	беларуская

Этымалагічны слоўнік беларускай мовы — шматтомны этымалагічны слоўнік беларускай мовы, які ствараецца ў Інстытуце мовазнаўства Нацыянальнай акадэміі навук Беларусі.

Праца над слоўнікам распачалася ў сектары агульнага і славянскага мовазнаўства Інстытута мовазнаўства імя Я. Коласа АН БССР у 1966 г. пры ўдзеле В. У. Мартынава, А. Я. Супруна, Г. А. Цыхуна, Р. У. Краўчука, А. Я. Міхневіча і інш. Першы том выйшаў з друку ў 1978 годзе, апошні па часе 14-ы том — у 2017 годзе (выданне працягваецца)^[1].

Слоўнік адлюстроўвае^[1]:

• словаўтваральныя і семантычныя архаізмы;

• новыя з’явы ў мове (у тым ліку тэрытарыяльна абмежаваныя);
• запазычаную лексіку;
• экспрэсіўную лексіку;
• інфармацыю пра геаграфічнае пашырэнне лексікі.

Крыніцамі для стварэння выдання сталі больш за 120 слоўнікаў, манаграфій, навуковых артыкулаў, апублікаваных у ХІХ-ХХ стст. «Этымалагічны слоўнік беларускай мовы» мае важнае значэнне не толькі для нацыянальнага мовазнаўства, але і для славянскай лінгвістыкі ўвогуле^[1].