Юліяна Кёлер

Юліяна Кёлер
ням.: Juliane Köhler
Род дзейнасці	тэатральная актрыса, кінаактрыса
Дата нараджэння	6 жніўня 1965(1965-08-06)[1][2][…] (59 гадоў)
Месца нараджэння	Гётынген, ФРГ[3]
Грамадзянства	Германія
Альма-матар	Герберт-Берггоф-студыя[d]
Член у	Deutsche Filmakademie[d]
Узнагароды і прэміі	Bavarian Culture Prize[d] (2019)
Медыяфайлы на Вікісховішчы

Юліяна Кёлер (ням.: Juliane Köhler; нар. 6 жніўня 1965, Гётынген) — нямецкая актрыса.

Нарадзілася ў сям’і акцёра лялечнага тэатра. Скончыла вальдорфскую школу, два гады вучылася ў акцёрскай студыі Gmelin у Мюнхене. У 1985—1988 гадах навучалася акцёрскаму майстэрству ў Уты Хаген у Нью-Ёрку. Брала ўрокі балета ў Даніэлы Глюк у Мюнхене. У 1988 годзе атрымала прапанову ад Ніжнясаксонскага дзяржаўнага тэатра ў Гановеры і з гэтага часу з’яўлялася на тэатральных падмостках у Германіі.

У 1993 годзе Кёлер перайшла на службу ў Баварскі дзяржаўны драматычны тэатр у Мюнхене і афіцыйна ўваходзіць у ягоную трупу з 1997 года. З-за затрымак у здымках фільма «Эмэ і Ягуар» Кёлер не паспела на спробы ў спектакль «Кетхен з Гейльброна, або Выпрабаванне агнём» у мюнхенскі Рэзідэнцтэатр. Пазней атрымала запрашэнне ад Мюнхенскага камернага тэатра. З восені 2001 года Юліяна Кёлер зноў знаходзіцца ў трупе Баварскага дзяржаўнага драматычнага тэатра.

Кінакар’ера Юліяны Кёлер пачалася ў 1990-х гадах. У 1999 годзе, якая стала для яе прарыўным, яна знялася ў двух кінастужках: «Эмэ і Ягуар» і «Кнопка і Антон» паводле аднайменнага твора Эрыха Кестнера. У 2001 годзе Кёлер адыграла галоўную ролю ў «Нідзе ў Афрыцы». У 2004 годзе Олівер Хіршбігель даў Кёлер ролю Евы Браўн у фільме «Падзенне». У кароткаметражным фільме «Габер» (2008) Юліяна Кёлер сыграла ролю жонкі хіміка Фрыца Габера Клары Імервар.