Юрый Уладзіміравіч Азаронак

Юрый Уладзіміравіч Азаронак
Юрый Уладзіміравіч Азаронак
	руск.: Юрий Владимирович Азарёнок
Род дзейнасці	кінарэжысёр, сцэнарыст, прапагандыст
Дата нараджэння	27 лютага 1965
Месца нараджэння	Рудня, Езярышчанскі сельсавет, Гарадоцкі раён, Віцебская вобласць, БССР, СССР;
Дата смерці	27 лютага 2025 (60 гадоў)
Грамадзянства	СССР; Беларусь;
Дзеці	Рыгор Юр’евіч Азаронак
Месца працы	Беларусьфільм; Нацыянальная дзяржаўная тэлерадыёкампанія Рэспублікі Беларусь;
Альма-матар	Беларуская дзяржаўная акадэмія мастацтваў;
Партыя	Славянскі сабор Белая Русь;
Узнагароды і прэміі	Прэмія «За духоўнае адраджэнне» Спецыяльная прэмія Прэзідэнта Рэспублікі Беларусь дзеячам культуры і мастацтва

Ю́рый Уладзі́міравіч Азаро́нак (27 лютага 1965(1965-02-27), Рудня, Віцебская вобласць — 27 лютага 2025(2025-02-27)) — беларускі прапагандыст.

Біяграфія

У пачатку 1990-х гадоў уступіў у Славянскі Сабор «Белая Русь», расійскую нацыяналістычную партыю ў Беларусі.

Стаў папулярны пасля таго, як у 1995 годзе зняў дакументальны фільм «Нянавісць: дзеці хлусні», у якім правёў параўнальнае апісанне калабарацыяністаў часоў Другой сусветнай вайны і тагачасных беларускіх палітыкаў, якія выступалі супраць аўтарытарнага кіравання Аляксандра Лукашэнкі. Фільм быў паказаны напярэдадні рэферэндума 1995 года.

У 1996 годзе зняў фільм «Закуліса» пра сувязь беларускай апазіцыі з замежнымі палітычнымі і фінансавымі сіламі.

У 2000 годзе стаў загадчыкам літаратурна-драматычнай рэдакцыяй Нацыянальнай дзяржаўнай тэлерадыёкампаніі Рэспублікі Беларусь.

Напярэдадні прэзідэнцкіх выбараў 2001 года стварыў дакументальны серыял «Таемныя спружыны палітыкі», у якім негатыўна асвятляў дзейнасць апазіцыі і розных замежных фондаў і цэнтраў. Пасля выбараў — кіраўнік інфармацыйнага аддзела Беларускага патрыятычнага саюза моладзі.

У красавіку 2003 года прызначаны прэс-сакратаром Генеральнай пракуратуры Рэспублікі Беларусь.

2 чэрвеня 2005 года прызначаны намеснікам старшыні Нацыянальнай дзяржаўнай тэлерадыёкампаніі Рэспублікі Беларусь. 13 чэрвеня 2008 года вызвалены ад гэтай пасады «за здзяйсненне правіны, несумяшчальнай са знаходжаннем на дзяржаўнай службе»^[1].

З 2009 года Юрый Азаронак кіраваў тэлеканалам для глухіх і людзей са слабым слыхам «Жэст-ТБ». Пазней працаваў у аддзеле інфармацыі і грамадскіх сувязей Упраўлення справамі Прэзідэнта Беларусі.

Сям’я

Брат дзяржаўнага службоўца Віктара Азаронка і бацька прапагандыста Рыгора Азаронка.

Узнагароды

Прыз Парламенцкага Сходу Саюза Беларусі і Расіі «За пэўнасць маральным ідэалам у кінамастацтве» за фільм «Духоўная вайна» (2006);
Прэмія прэзідэнта «За духоўнае адраджэнне» за стварэнне аўтарскай тэлепраграмы «Канспіралогія» (2005).
Званне Заслужаны дзеяч культуры Рэспублікі Беларусь (2007).