Ясянец (Ганцавіцкі раён)

Вёска Ясянец Краіна Беларусь Вобласць Брэсцкая Раён Ганцавіцкі Сельсавет Нацкі Каардынаты 52°49′06″ пн. ш. 26°38′50″ у. д.HGЯO Насельніцтва 22 чалавекі (2009) Часавы пояс UTC+3 Тэлефонны код +375 1646 Паштовыя індэксы 224134 Аўтамабільны код 1 СААТА 1216825051 Ясянец на карце Беларусі ±

Ясянец на Вікісховішчы

Ясяне́ц^[1] (трансліт.: Jasianiec, руск.: Ясенец) — вёска ў Ганцавіцкім раёне Брэсцкай вобласці. Уваходзіць у склад Нацкага сельсавета. Размешчаны за 20 км на паўночны ўсход ад раённага цэнтра і чыгуначнай станцыі Ганцавічы (на лініі Лунінец — Баранавічы).

Паводле перапісу 1897 г. — вёска Круговіцкай воласці Слуцкага павета Мінскай губерні, 5 двароў, 32 жыхары, капліца.

З сакавіка 1921 г. ў складзе Польшчы, вёска Круговіцкай гміны Лунінецкага павета Палескага ваяводства, у верасні 1921 г. 15 дамоў 101 жыхар.

З 1939 г. ў складзе БССР, з 15.01.1940 г. ў Ганцавіцкім раёне Пінскай вобласці, у Лактышоўскім (з 1954 г. Нацкі) с/с. У 1940 г. 19 двароў, 95 жыхароў.

У Вялікую Айчынную вайну з 30.06.1941 г. да 07.07.1944 г. вёска акупіравана нямецка-фашысцкімі захопнікамі; у наваколлі вёскі дзейнічалі партызаны брыгады імя Леніна Пінскага злучэння.

З 08.01.1954 г. ў Брэсцкай вобласці. Паводле перапісу 1959 г. ў вёсцы 66 жыхароў. З 25.12.1962 г. да 30.07.1966 г. ў Ляхавіцкім раёне. Паводле перапісу 1970 годзе 93 жыхары. Планіровачна складаецца з кароткай, двухбакова забудаванай вуліцы, арыентаванай з паўночнага ўсходу на поўдзень, і шэраг адасобленых домаўладанняў.

• 2009 год — 22 жыхары

• Сядзіба Абуховічаў (XIX стагоддзе)
• Дзіцячая пахавальная капліца роду Абуховічаў (XIX стагоддзе) —  Гісторыка-культурная каштоўнасць Беларусі, шыфр 113Г000511шыфр 113Г000511
• Пахавальная капліца роду Вендорфаў (XVII—XIX стагоддзі) —  Гісторыка-культурная каштоўнасць Беларусі, шыфр 113Г000030шыфр 113Г000030
• Пахавальная капліца роду Яленскіх (XVII—XIX стагоддзі) —  Гісторыка-культурная каштоўнасць Беларусі, шыфр 113Г000031шыфр 113Г000031
• Курганны могільнік-1 перыяду ранняга сярэднявечча (XI—XII стагоддзі), за 0,5 км на поўдзень, з левага боку дарогі на в. Вялікія Круговічы —  Гісторыка-культурная каштоўнасць Беларусі, шыфр 113В000171шыфр 113В000171
• Курганны могільнік-2 перыяду ранняга сярэднявечча (XI—XII стагоддзі), 31-ы лясны квартал —  Гісторыка-культурная каштоўнасць Беларусі, шыфр 113В000172шыфр 113В000172
• Курганны могільнік-3 перыяду ранняга сярэднявечча (XI—XII стагоддзі), за 2 км на поўдзень, 27-31-ы лясныя кварталы —  Гісторыка-культурная каштоўнасць Беларусі, шыфр 113В000173шыфр 113В000173

За 1 км на поўдзень ад вёскі ў лесе, па абодва бакі дарогі на Вялікія Круговічы, знаходзіцца археалагічны помнік — курганны могільнік, які мае больш за 100 насыпаў. Выявіў і раскапаў 3 курганы ў 1955 г. Б. В. Міралюбаў, у 1961 П. Ф. Лысенка раскапаў яшчэ 9 насыпаў. Матэрыялы раскопак захоўваюцца ў Беларускім дзяржаўным музеі Палесся ў Пінску. Могільнік датуецца ХІ — XIII ст., належаў дрыгавічам.

• 
  Склеп-пахавальня Яленскіх
• 
  Склеп-пахавальня Вендорфаў
• 
  Надмагільны помнік

• На Вікісховішчы ёсць медыяфайлы па тэме Ясянец (Ганцавіцкі раён)
• Ясянец (Ганцавіцкі раён) на сайце Глобус Беларусі (руск.)