Яўгенія Самойлаўна Панамарова

Яўгенія Самойлаўна Панамарова
Дата нараджэння	3 сакавіка 1936(1936-03-03)
Месца нараджэння	Харкаў, Харкаўская вобласць, УССР, СССР
Дата смерці	15 снежня 2022(2022-12-15) (86 гадоў)
Альма-матар	БПІ (1959) Чэшскі тэхнічны ўніверсітэт (1965)
Месца працы	Белдзяржпраект БНТУ
Навуковая ступень	кандыдат тэхнічных навук (1965) і доктар архітэктуры (1988)
Навуковае званне	прафесар акадэмік Беларускай акадэміі архітэктуры[d]
Член у	Саюз архітэктараў СССР Беларускі саюз архітэктараў
Прэміі	Спецыяльная прэмія Прэзідэнта Рэспублікі Беларусь дзеячам культуры і мастацтва (2003)
Узнагароды

Яўгенія Самойлаўна Панамарова (у дзявоцтве Аграновіч; 3 сакавіка 1936, Харкаў — 15 снежня 2022) — беларускі архітэктар, педагог. Кандыдат тэхнічных навук (1965)^[1], доктар архітэктуры (1988), прафесар (1989)^[2].

Прафесар Тышрынскага ўніверсітэта (1990, Латакія, Сірыя), прафесар Беластоцкага тэхнічнага ўніверсітэта (1994, Беласток, Польшча), акадэмік Беларускай акадэміі архітэктуры (1996). Член Беларускага саюза архітэктараў з 1963 г^[1].

Нарадзілася ў сям’і Самуіла Аляксандравіча Аграновіча (1899—1964), які паходзіў з Рэчыцы, і Наталлі Афанасьеўны Чарнабрывец (1913—1971) са Смілы, мела брата Міхаіла^[3].

Скончыла ў 1959 годзе БПІ. У 1959—1962 гадах архітэктар інстытута «Белдзяржпраект»^[2]. У 1962—1965 гадах аспірант БПІ, ЧВУТ (Прага). У 1965—2007 гадах выкладала ў БПІ.

Памерла 15 снежня 2022 года^[4].

Працуе ў галіне інтэр’ера, архітэктурнай каларыстыкі. Асноўныя работы: серыя будынкаў камбінатаў бытавога абслугоўвання (1960—1962, у сааўт.), тыпавы праект Б2-02-3 адзінаццацігадовай сярэдняй працоўнай політэхнічнай школы на 964 месцы (1961—1962, у сааўт.)^[2], праекта аздаблення фасадаў дамоў серыі 1-464 і 1-335, альбомаў унутранага аздаблення кватэр дамоў серыі 1-464 і 1-335^[1].

Кіраўнік (сумесна з А. А. Літвінавай) навуковай школы ў вобласці архітэктуры і дызайну «Архітэктура ўнутраных прастор, архітэктурная каларыстыка і каляровы дызайн»^[1].

Выдадзена 4 навучальных дапаможнікі, 5 манаграфій, 1 слоўнік-даведнік, больш 200 артыкулаў і навукова-метадычных рэкамендацый^[1]. У тым ліку «Інтэр’ер і абсталяванне грамадзянскіх будынкаў»; «Колер у інтэр’еры»; «Інтэр’ер грамадзянскіх будынкаў»; «Наша кватэра» (у суаўтарстве з Н. Аладавай); «Архітэктурная каларыстыка» (у суаўтарстве з А. А. Літвінавай); «Інтэр’ер і прадметны дызайн жылых будынкаў» (у суаўтарстве, Н. Аладавай). Кіраўнік 5 дысертацыйных прац кандыдатаў архітэктуры.

Аўтар тыпавых праграм і тэкстаў лекцый па дысцыплінах: «Інтэр’ер і прадметны дызайн», «Комплекснае фарміраванне архітэктурнага асяроддзя», «Прыкладныя тэорыі ў архітэктуры», «Колеразнаўства і архітэктурная каларыстыка», «Кампазіцыя асяроддзевых сістэм». Лекцыі паводле даных дысцыплінам чыталіся ў БНТУ, БДТМІ, Еўрапейскім універсітэце, Беластоцкім тэхнічным універсітэце (Польшча), Тышрынскім універсітэце (Сірыя)^[1].

Лаўрэат Дзяржаўнай прэміі Рэспублікі Беларусь (2000, у аўтарскім калектыве) — за комплекс даследаванняў па тэорыі архітэктуры (фарміраванне беларускай навуковай школы), створаны ў 1995—1998 гадах; лаўрэат Спецыяльнай прэміі Прэзідэнта Рэспублікі Беларусь за кнігу «Архітэктурная каларыстыка» (у сааўт. з А. А. Літвінавай, 2003); медаль за кнігу «Колер у архітэктуры» на Міжнародным біенале па архітэктуры (Сафія, 1985); лаўрэат Нацыянальнага фестывалю архітэктуры «Мінск-2002» — дыпламы за цыкл прац па інтэр’еры і за навучальны дапаможнік «Інтэр’ер грамадзянскіх будынкаў»^[1].

У 2015 годзе была ўзнагароджана Залатым крыжам Заслугі ад прэзідэнта Польшчы^[4].

Чацвёра дзяцей: Леў Аграновіч, Дані Аграновіч, Алена Ляванава, Аляксандра Панамарова. У шлюбе з Уладзімірам Панамаровым^[3].

• Рекомендации по проектированию цветовой отделки интерьеров общественных зданий. М., 1984 (у сааўт.);
• Цвет в интерьере. Мн., 1984;
• Интерьер гражданских зданий. 2 изд. Мн., 1991.

• Агранович-Пономарева Евгения Самойловна // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
• Панамарова Яўгенія Самойлаўна // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Пономарева Евгения Самойловна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)