Яўген Ільіч Лізюкоў

Яўген Ільіч Лізюкоў
Яўген Ільіч Лізюкоў
Дата нараджэння	1899
Месца нараджэння	Гомель, Гомельскі павет, Магілёўская губерня, Расійская імперыя;
Дата смерці	7 ліпеня 1944
Месца смерці	Пухавіцкі раён, Мінская вобласць, Беларуская ССР, СССР;
Месца пахавання	Наваполле;
Грамадзянства	Беларусь;
Бітвы/войны	Вялікая Айчынная вайна;
Узнагароды і званні
	Медыяфайлы на Вікісховішчы

Яўген Ільіч Лізюкоў (1899, Гомель — 1944) — адзін з арганізатараў і кіраўнікоў партызанскага руху на тэрыторыі Мінскай вобласці. Брат Аляксандра Ільіча і Пятра Ільіча Лізюковых.

Біяграфія

Член КПСС з 1944 года. У Чырвонай Арміі ў 1918—1932, удзельнік грамадзянскай вайны. Працаваў дырэктарам канторы Галоўутарчэрмет у горадзе Джанкой Крымскай вобласці. У пачатку Вялікай Айчыннай вайны добраахвотнікам пайшоў на фронт, быў цяжка паранены і дэмабілізаваны. Пасля заканчэння школы па падрыхтоўцы партызанскіх кадраў пры Цэнтральным штабе партызанскага руху (1942) накіраваны на акупаваную тэрыторыю Мінскай вобласці. Старшы лейтэнант, камандзір партызанскага атрада імя Дзяржынскага брыгады імя Фрунзэ, начальнік штаба атрада імя Чкалава 225-й брыгады імя Суворава, камандзір атрада імя Молатава 2-й Мінскай брыгады. Загінуў у баі з групай немцаў, якія прарваліся з акружэння каля вёскі Грэбень Пухавіцкага раёна. Пахаваны ў вёсцы Наваполле Пухавіцкага раёна, на магіле ўсталяваны помнік.

У Гомелі ў гонар Яўгена Ільіча, Аляксандра Ільіча і Пятра Ільіча Лізюковых названа вуліца — вуліца Братоў Лізюковых^[2].
Таксама іменем братоў Лізюковых названыя вуліцы ў горадзе Чачэрску і аграгарадку Нісімкавічы Чачэрскага раёна.
У беларуска-славянскай гімназіі № 36, размешчанай па вуліцы братоў Лізюковых, адкрыты музей братоў Лізюковых; на будынку гімназіі ўсталявана мемарыяльная дошка^[3]
У 2019 годзе ў Гомелі на плошчы Перамогі ўсталяваны памятны знак у гонар братоў Лізюковых^[4]^[5].