Яўген Германавіч Пятроў

Яўген Германавіч Пятро́ў (19 сакавіка 1939, Буда-Кашалёва, Гомельская вобласць, БССР — 27 жніўня 2001) — беларускі вучоны ў галіне экалагічнай фітацэналогіі^[1]. Доктар біялагічных навук (1983), прафесар, віцэ-прэзідэнт Беларускага батанічнага таварыства, член экспертнага савета.

Нарадзіўся 19 сакавіка 1939 года ў горадзе Буда-Кашалёва.

У 1957 годзе скончыў Буда-Кашалёўскі лясны тэхнікум, а ў 1962 г. — Беларускі тэхналагічны інстытут. З 1971 года на старэйшы навуковы супрацоўнік у Інстытуце эксперыментальнай батанікі Акадэміі навук БССР. З 1994 года прафесар кафедры лесаводства Беларускага дзяржаўнага тэхналагічнага ўніверсітэта.

Памёр 27 жніўня 2001 года^[2].

Займаўся вывучэннем ролі воднага фактара пры фарміраванні расліннасці лясоў, эколага-біялагічных фітацэнозаў на глебах грунтавога і атмасфернага ўвільгатнення.

Сярод апублікаваных прац:

• Водное питание и продуктивность сосновых фитоценозов. — Мн. 1978. (разам з Л. П. Смаляком)
• Водный режим и продуктивность лесных фитоценозов на почвах с атмосферныи увлажнением. — Мн., 1983.

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13). — С. 170.
• Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 325.

• Петров Евгений Германович // База данных «Знаменитые люди Гомельщины» (руск.)
• Гісторыя Буда-Кашалёўскага дзяржаўнага аграрна-тэхнічнага каледжа Архівавана 2 лютага 2020. (руск.)
• Путь от школы до колледжа (руск.)