Яўстах Рдултоўскі

Яўстах Рдултоўскі
«Драгаслаў  (руск.) (бел.»
Нараджэнне	1824
Смерць	1902
Род	Рдултоўскія[d]
Бацька	Казімір Рдултоўскі
Маці	Тэрэза з Рдултоўскіх[d]
Жонка	Мальвіна з Кунцэвічаў[d]
Дзеці	1) Казімір Яўстахавіч Рдултоўскі; 2) Стэфан Яўстахавіч Рдултоўскі; 3) Марыя Яўстахаўна Рдултоўская; 4) Людвіка Яўстахаўна Рдултоўская; 5) Ян Хрызастом Рдултоўскі (1859—1911)
Веравызнанне	каталік
Адукацыя	Імператарскі Дэрпцкі ўніверсітэт

Яўстах Рдултоўскі (1824—1902) — буйны землеўласнік Мінскай губерні (Расійская імперыя), апошні з роду ўладальнік палацавага комплексу Рдултоўскіх у Снове.

Належаў да каталіцкага шляхецкага роду Рдултоўскіх, які адносіўся ў XVIII ст. да рэгіянальнай эліты Новагародскага ваяводства ВКЛ. Яго дзед — Ян Хрызастом Рдултоўскі (1735—1791) быў новагародскім падваяводам і пад канец жыцця валодаў вялізнай латыфундыяй (каля 240 тыс. дзесяцін зямлі)^[1].

Яўстах Рдултоўскі нарадзіўся ў 1824 г. у сям’і Казіміра Рдултоўскага (1785—1855) і Тэрэзы Рдултоўскай. Тэрэза Рдултоўская была зводнай сястрой свайго мужа Казіміра Рдултоўскага — дачкой ад другой жонкі Яна Хрызастома Рдултоўскага (Канстанцыі Булгарын). Спецыяльны дазвол на такі блізкароднасны шлюб быў атрыманы ад папы рымскага, для чаго Казімір Рдултоўскі папярэдне выдаткаваў вялікія грошы ў Рым^[1].

Яўстах Рдултоўскі меў таксама брата Канстанціна Тадэвуша Рдултоўскага (1804—1869) і дзвюх сясцёр — Анэлю Рдултоўскую і Лаўру Рдултоўскую. Усе дзеці Казіміра і Тэрэзы Рдултоўскіх былі каталікамі.

Яўстах Рдултоўскі ажаніўся з Мальвінай Кунцэвіч. Ад жонкі Яўстах Рдултоўскі меў пяць дзяцей, якія былі ахрышчаны ў каталіцтва^[2]:

• 1) Казімір Яўстахавіч Рдултоўскі — памёр безпатомна;
• 2) Стэфан Яўстахавіч Рдултоўскі — памёр безпатомна;
• 3) Марыя Яўстахаўна Рдултоўская — яе мужам стане блізкі сусед — пан Ян Антонавіч Мержаеўскі^[3][4];
• 4) Людвіка Яўстахаўна Рдултоўская — яе мужам стане Яўген Рдултоўскі (1839—1911), яе кузэн і сын Канстанціна Тадэвуша Рдултоўскага (1804—1869)^[2]
• 5) Ян Хрызастом Рдултоўскі (1859—1911) — яго жонка стане дваранка Браніслава Круневіч.

Муж яго дачкі Людвікі — Яўген Рдултоўскі (1839—1911) — стаў удзельнікам Студзеньскага паўстання (1863—1864) і быў высланы ў Сібір на катаргу, адкуль вернуўся дамоў па царскай амністыі^[2].

Скончыў Дэрпцкі ўніверсітэт (Расійская Імперыя)^[5].

Яўстах Рдултоўскі атрымаў у спадчыну ад бацькі вялізную латыфундыю — маёнтак маёнтак Сноў (Верхні Сноў, Ніжні Сноў, Адахоўшчына, Селявічы, Карчы і інш.) і таксама раскошны сноўскім палацам у Слуцкім павеце Мінскай губерні^[5].

У 1854 г. большая частка маёнтка Сноў (2672 дзесяцін зямлі і лесу) разам са сноўскім палацам перайшла ад Яўстаха Рдултоўскага ва ўласнасць барона Густава Гарцінга (1819—1879)^[5]. Паводле сямейнага падання Яўстах Рдултоўскі маёнтак Сноў прайграў у карты барону Густаву Гарцінгу^[2].

Пасля сваёй смерці пакінуў дзецям толькі тры фальваркі са сваёй былой латыфундыі — Адахаўшчына, Сялявічы, Карчы ў Слуцкім павеце Мінскай губерні^[5].

• Aftanazy, R. Dzieje rezydencji na dawnych kresach Rzeczypospolitej : w 11 t. / R. Aftanazy. — Wrocław — Warszawa — Kraków : Zaklad im Ossolinskich, 1991. — Cz. 1. Wielkie księstwo Litewskie. Inflanty. Kurlandia. — T. 2. Województwa brzesko-litewskie, nowogródzkie. — 474 s.