Капліца-надмагілле Жукоўскіх (Магілёў)

Славутасць
Капліца-надмагілле Жукоўскіх
53°54′16″ пн. ш. 30°19′08″ у. д.HGЯO
Краіна	Беларусь
Месцазнаходжанне	Магілёў
Архітэктурны стыль	неаегіпецкі стыль[d] і мадэрн
Медыяфайлы на Вікісховішчы

Капліца-надмагілле Жукоўскіх — капліца на каталіцкіх могілках па вул. Лазарэнкі ў Магілёве. Пабудавана ў пачатку XX ст. з цэглы як надмагілле Жукоўскіх. Помнік архітэктуры мадэрну і архаікі^[1] (неаегіпецкі стыль^[ru]). У склепе быў пахаваны маршалак шляхты Рагачоўскага павета Аляксандр Жукоўскі (1820—1915)^[2] і, верагодна, ягоная жонка Клацільда з Цеханавецкіх (шыльда не захавалася).

Вырашана сенню на 4 егіпецкіх калонах, якія пастаўлены на квадратны подыум і трымаюць плоскае перакрыцце пад шатровым дахам з крыжом. Магутны антаблемент ад фронта пакрыты рэльефнымі крылатымі дыскамі^[ru] і фланкіраваны канічнымі пінаклямі з вазамі. Унутры на тарцовай сцяне прамавугольны партал з рэльефным крыжом па цэнтры і скульптурай анёла ў аснаванні з правага боку^[1].

• Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5.

• Старонка на сайце Польскіх могілак
• Капліца-надмагілле Жукоўскіх (Магілёў) на сайце Глобус Беларусі (руск.)