Јабланица

Оваа статија се однесува за планината Јабланица. За други значења видете Јабланица (појаснување).

Јабланица
Поглед на главното било и сртот Јабланица со највисоките врвови од врвот Стрижак
Највисока точка
Надм. вис.	2.258 м
Матичен врв	Црн Камен
Географија
Јабланица на карта
Место	Македонија
Покраина	MK

Јабланица — висока планина во југозападниот дел на Македонија, помеѓу Охридско-струшката и Дебарската Котлина, западно од реката Црн Дрим и брегот на Охридското Езеро.

Јабланица е втора по големина планина во западната Шарска област^[1]. По сртот на планината се протега македонско-албанската граница, при што источната падина е во Македонија, а западната падина од планината лежи во Албанија. Планинскиот гребен е повисок од 2.000 м за приближно 50 км, а највисокиот дел, сместен во самото средиште на планината, е висок 2.257 м.Највисок врв е Црн Камен, со 2.258 м. Врвови повисоки од 2.000 м се: Стрижак (2.233 м), Крстец (2.186 м) и Чумин Врв (2.125 м).

До планината може да се стигне преку Вевчани што се наоѓа на подножјето на планината. Оддалечена е 14 км од Охридското Езеро и градот Струга. На Македонија ѝ припаѓаат источните планински страни, а западните на Албанија. Се протега во меридијански правец од север кон југ со должина на планинското било од околу 35 км, а најголемата широчина во Македонија изнесува 7,5 км. На македонска страна зафаќа површина од 255 км².

Јабланица ужива популарност кај планинарите, кои често ја посетуваат. Покрај тоа, на планината се гради и скијачки центар.^[2]

Ова е млада венечна планина, образувана со тектонските олигомиоценски движења^[1]. Геолошкиот состав е претставен со палеозојски шкрилци кои се во падината, а преку нив лежат тријаски варовници^[1]. Во релјефот доминираат високи врвови, пространи површини, длабоки речни долини, карстни и фосилни леднички облици. За време на ледениот период, високите делови биле зафатени со интензивна глацијација. Трагите од глацијацијата се претставени со пет фосилни циркови во кои се наоѓаат четири леднички езера: Вевчанско, Подгорско и Горно и Долно Лабунишко.

Планината е богата е со вода, а меѓу изворите најпознати се Вевчанските. Од рудно богатство има јаглен кај селото Пискупштина.

• 
  Поглед од Охрид на планината Јабланица
• 
  Глетка од гребенот Чума и Чумин Врв на Јабланица
• 
  Глетка од Чумин Врв на Јабланица од Горна Белица
• 
  Глетка од Радуч, најсеверниот врв и огранка на Јабланица
• 
  Глетка од Јабланица со врвот Црн Камен (во средина)
• 
  Глетка од планината Јабланица
• 
  Мотив од Јабланица
• 
  Ледничкото Вевчанско Езеро во подножјето на врвот Црн Камен
• 
  Поглед на Вевчанска Локва
• 
  Глетка од горскиот појас на Јабланица над селото Горна Белица
• 
  Глетка од Јабланица
• 
  Стадо овци на Јабланица
• 
  Седлото (превојот) Крстец на Јабланица
• 
  Глетка од падините на Јабланица со ледничкото Вевчанско Езеро
• 
  Глетка кон Охридското Езеро од Јабланица
• 
  Глетка на источната падина на Јабланица и Охридското Езеро во позадина
• 
  Глетка на гребенот под врвот Стрижак
• 
  Глетка на сипар (камењар) под врвот Стрижак

• Црн Камен
• Јакупица
• Дешат

„Јабланица“ на Ризницата ?

• Страница за Јабланица Архивирано на 29 август 2014 г.
• Репортажа од искачување на Јабланица со фотографии Архивирано на 18 јануари 2014 г. — ПД „Макпетрол“

п р у Јабланица Врвови Црн Камен  (2.258) • Стрижак  (2.233) • Крстец  (2.186) • Чумин Врв  (2.125) • Радуч  (2.083) • Камењар  (2.059) • Пупуљак  (2.054) • Незирица  (2.054) • Слепчарен  (2.018)  • Вишарица  (1.987) • Голубов Камен  (1.973) • Стрмница (Луковски Камен)  (1.908) Езера Подгоречко • Вевчанска Локва • Горно Лабунишко • Долно Лабунишко Реки Лакавичка Река • Ушичка Река • Сушица • Црвен Клајнец Седла Невестин Гроб  (2.089)  • Ајдарова Ливада  (2.122) Туризам Вевчански Извори • Вевчани • Горна Белица • Градови Струга