Џон Тошак

Џон Тошак
Лични податоци
Полно име	Џон Бенџамин Тошак
Роден на	22 март 1949 (76 г.)
Роден во	Кардиф, Велс, Обединето Кралство
Држава	Велс
Висина	1,85 м
Играчки податоци
Позиција	напаѓач
Повлекување	1983 - како играч (34 г.); 2018 - како тренер (69 г.)
Кариера*
Репрезентација
Раководител на екипите
1978–1983	Свонзи Сити (играч-тренер)
1983–1984	Свонзи Сити
1984–1985	Спортинг Лисабон
1985–1989	Реал Сосиедад
1989–1990	Реал Мадрид
1991–1994	Реал Сосиедад
1994	Велс
1995–1997	Депортиво
1997–1999	Бешикташ
1999	Реал Мадрид
2000–2001	Сент Етјен
2001–2002	Реал Сосиедад
2002–2003	Катанија
2004	Мурсија
2004–2010	Велс
2011–2012	Македонија
2013	Хазар
2014-2016	Видад Казабланка
2018	Трактор Сази

Џон Бенџамин Тошак (англиски: John Benjamin Toshack; р. 22 март 1949) — поранешен велшки фудбалски тренер и фудбалер, кој играл на позицијата напаѓач.

Како играч, останал запомнат по своите настапи во Ливерпул во текот на 1970-тите години, каде оформил впечатливо партнерство во нападот заедно со Кевин Киган.

По завршувањето на играчката кариера, Тошак станал тренер и водел многу екипи во својата кариера, меѓу кои и некои големи клубови како Спортинг Лисабон, Реал Сосиедад, Реал Мадрид, Депортиво Ла Коруња и Бешикташ. Исто така, тој е поранешен селектор на Велс, но и на македонската фудбалска репрезентација која ја водел во периодот 2011-2012.

Биографија

Тошак е роден во 1949 во Кардиф, Велс, од татко шкот и мајка велшанка.

Кариера како играч

Кардиф Сити

Тошак ја започнал својата фудбалска кариера играјќи за Кардиф Сити, потпишувајќи за нив на 16 години. Тој стана најмладиот играч на клубот кој играл во лигата откако влегол на натпреварот против Лејтон Ориент, во кој го постигнува дебитанскиот гол за победа од 3-1 на 13 ноември 1965. Првиот хет-трик го постигнал во јануари 1968 во победата од 8-0 против Ебу Вејл во Вешкиот Куп.

Ливерпул

После четири години во Кардиф Сити, Тошак потпишал за Ливерпул на 11 ноември 1970. Тошак дебитирал за Ливерпул 3 дена подоцна. Неговиот прв гол го постигнал една недела подоцна на 21 ноември во Дербито на Мерсисајд на Енфилд.

Во Ливерпул постигнал 96 голови; бил дел од тимот кој станал шампион на Англија во 1873, 1876 и 1977, го освоил Англискиот куп во 1974 и УЕФА купот во 1973 и 1976 година.

Тренерска кариера

Џон Тошак има богата тренерска кариера, која ја започнал во тимот на Свонси Сити, но како тренер бил и во екипите Спортинг Лисабон, Реал Сосиедад, Реал Мадрид, Депортиво Ла Коруња, Бешикташ, Сент-Етјен, Катанија, Реал Мурсија, како и селектор на репрезентациите на Велс и Македонија.