Ака (планина)

Ака Áhkká
Поглед на Ака од езерото Акајауре
Највисока точка
Надм. вис.	2,016 м
Истакнатост	1,105 м
Координати	67°35′N 17°29′E / 67.583°N 17.483°E / 67.583; 17.483 (Стуртропен)
Име
Превод	баба
Географија
Ака Áhkká на карта
Место	Лапонија
Матичен венец	Скандинавски Планини

Ака (лулолапонски: Áhkká = „баба“, шведски облик: Akka) е планински масив во југозападниот агол на националниот парк Стура Шефалет во северна Шведска.

Масивот има единаесет поединечни врва, од кои највисок е Стуртопен (2.016 м), и со тоа осми по висина во Шведска. Најкарактеристична одлика на планината е вертикалниот спуст од 1.563 м, од највисокиот врв до езерото Акајауре во долината Руотесваге (надм. вис. 453 м). Ова е највисокиот вертикален спуст во Шведска. Бидејќи водостојот на езерото под планината зависи од локалната хидроелектрана, површината може да се спушти до 423 м, што значи дека тогаш спустот изнесува 1.593 м. Планината има импресивен изглед поради големите разлики во висината, изолираноста и компактноста на масивот, и затоа го носи прекарот „Кралицата на Лапонија“. Според лапонските преданија, ова е света планина и предизвикува стравопочит и чувство на таинственост кај присутните^[1].

• Баба - планина во Македонија со истозначно име
• Скандинавски Планини - најголем планински венец во Европа

• 
  Врвот на Ака
• 
  Масивот на Ака
• 
  Два врва на планината
• 
  Поглед на планината од устието во долината