Главна група на елементи

Главна група на елементи — хемиски елементи (наречени и претставителни елементи) елементи од групите 1 и 2 (s-блок) и групите 13 до 18 (p-блок) на периодниот систем. Елементите од s-блокот се одликуваат со една главна оксидациска состојба, а кај оние од p-блокот, кога имаат повеќе состојби, честопати состојбите се поделени во две единици. Најлесни елементи од главната група се хелиумот, литиумот, берилиумот, борот, јаглеродот, азотот, кислородот и флуорот, поредно распоредени во периодниот систем.

Елементите од главната група (со некои од полесните преодни метали) се најзастапените елементи Земјата, во Сончевиот Систем и воопшто во вселената. Елементите од групата 12 обично се сметаат за преодни метали; меѓутоа, цинкот (Zn), кадмиумот (Cd) и живата (Hg) делат извесни својства со двете групи, па затоа некои научници сметаат дека не треба да стојат во главната група.^[1]^[2]

Во некои прилики во главната група се вбројуваат дури и |елементите од групата 3 како и лантаноидите и актиноидите бидејќи се електропозитивни со само една главна оксидациска состојба како оние од групите 1 и 2. Положбата на актиноидите е подискутабилна, но најзастапените и најзастапените од нив, ториумот (Th) и ураниумот (U), се слични на оние од главната група бидејќи ториумот е електропозитивен елемент со само една главна оксидациска состојба (+4), а ураниумот има две, поделени на две оксидациски единици (+4 and +6).^[3]

Во постарата номенклатура, главната група ја сочинуваат групите IA и IIA, како и групите IIIB од 0 (IIIA до VIIIA според CAS). Групата 12 е наречена група IIB во обата система. Групата 3 е наречена група IIIA во постарата номенклатура (IIIB според CAS).