Диодор Сицилиски Диодор Сицилиски (грчки: Διόδωρος Σικελιώτης) бил историчар, којшто живеел во првиот век пред новата ера. Значаен извор за историјата на античка Македонија.[1] ЖивотописСпоред неговата автобиографија, роден бил во Агира на островот Сицилија. Во своите млади години патувал низ Европа, Мала Азија и Африка. Потоа живеел подолго време во Рим, а периодот 60-65 п.н.е. го поминал во Александрија. Дела Универзалната историја на Диодор, која тој ја нарекол Bibliotheca historica („Историска библиотека“), се состои од 40 книги, од кои книгите од 1-5 и од 11-20 се целосно зачувани, поделени во три поглавја. Од останатите книги зачувани се само фрагменти.[1] Првите шест книги ја обработуваат митската историја на нехеленските и хеленските племиња сè до уништувањето на Троја, обработуваат пред сè географски теми и ја опишуваат историјата и културата на:
Во следното поглавје, книга 7-17, е опишана историјата на светот од Тројанската војна па сè до смртта на Александар Македонски. Диодор дава важни податоци за генеологијата на македонските кралеви, за походот на Ситалк во Македонија, за кралот Филип II, а особено за Александар Македонски и за периодот на дијадосите по неговата смрт сè до 302 п.н.е.[1] Во третото поглавје, книга 18-40, се опфатена историските настани од времето на распадот на Македонската Империја па сè до 60 п.н.е. или почетокот на Галската војна на Јулиј Цезар. Диодор го одбрал името "Bibliotheca" бидејќи тој направил збирен преглед од повеќе извори. Идентификувани автори од чии дела црпел информации се: Хекат од Абдера, Ктесиј од Книд, Ефор, Теопомп, Хиеронимиј од Кардиа, Дури од Самос, Дијлус, Филист, Тимиј, Полибиј и Посидониј. НаводиЛитература
Надворешни врски
|
Portal di Ensiklopedia Dunia
