Долно Осеново

Долно Осеново
Поглед кон селото
Долно Осеново
Местоположба во областа Долно Осеново Местоположба на Долно Осеново во Општина Симитли и Благоевградската област
Координати: 41°57′N 23°15′E / 41.950°N 23.250°E / 41.950; 23.250
Земја	Бугарија
Област	Благоевградска
Општина	Симитли
Површина
• Вкупна	81,351 км2 (31,410 ми2)
Надм. вис.	&10000000000000840000000840 м
Население (2024)
• Вкупно	1.514
• Густина	19/км2 (48/ми2)
Час. појас	EET (UTC+2)
• Лето (ЛСВ)	EEST (UTC+3)
Пошт. бр.	2757

Долно Осеново — село во Горноџумајско, Пиринска Македонија, денес во општината Симитли на Благоевградската област, Бугарија. Населението брои 1.514 жители (2024).

Селото Долно Осеново се наоѓа на 16 километри североисточно од градот Симитли. Се наоѓа на јужните падини на планината Рила.

Во селото постои бања и одморалиште за капење од локално значење. Минералните извори имаат температура од 53 до 58,5 степени и вкупен проток од околу 180 литри на минута. Водата е сулфат-хидрокарбонат-натриум, флуор со минерализација од 0,57 грама на литар. Се користи за ревматски заболувања, болести на периферниот нервен систем, гинеколошки заболувања итн.

Во 1891 година во селото имало 245 домаќинства, 1200 Македонцимуслимани (Помаци) и 30 Македонци христијани.

Во 1900 година, според статистиката на Васил К’нчов („Македонија. Етнографија и статистика“), населението на Долно Осеново изнесувало 1864 жители, 300 Македонци христијани, 1550 Македонци муслимани и 14 Роми.^[1][2]

Горно и Долно Осеново до 1960 година важеле за едно село, Осеново.

На табелата е прикажан бројот на населението во Долно Осеново за периодот 1934-2011:

Број и удел на етничките групи според пописот од 2011 година:

Во селото и околината живеат голем број Македонци, кои од страна на бугарската држава не се признаваат како посебна етничка заедница и голем дел од нив се запишуваат како Бугари.^[3]

• Георги Митов (1886 – 1922), македонски револуционер.
• Ибрахим Ботуш, македонски револуционер, деец на ВМРО.
• Салих, македонски револуционер, деец на ВМРО.

• Осеновска Река

1. ↑ Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
2. ↑ Кънчов, Васил. Македония. Етнография и статистика, София, 1900, стр. 159.
3. ↑ Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.

п р у Населени места во Општина Симитли Градови Симитли Села Брестово Горно Осеново Градево Докатичево Долна Сушица (Полена) Долно Осеново Железница Крупник Мечкул Полето Ракитна Сенокос Србиново (Брежани) Сухострел Сушица Тросково Черниче Поранешни села Ораново Историски села Арзач во загради се дадени денешните имиња на местата сменети од бугарската држава