Ертан Шабан

Ертан Шабан (роден на 4 декември 1977 година) ― македонско-турски глумец и сценарист. Тој е од турска народност.^[1][2][3] Роден е во Скопје, СР Македонија, СФРЈ. На неговиот мајчин јазик турски, тој може да зборува на истанбулски дијалект и скопско-турски дијалект.^[4] Исто така, тој е повеќејазичен. Може да зборува македонски, бугарски, бошњачки, српски, албански, грчки, англиски, француски.

Завршил ветеринарен отсек во Средно училиште „Браќа Миладиновци“ во Драчево. Потоа студирал педагогија. Дипломирал на Факултетот за драмски уметности во Скопје. Долги години настапувал на сцената во различни претстави во Турско-албанскиот театар (денес Албански театар) заедно со неговиот брат Ерман Шабан и Љуран Ахмети.^[5]

Потоа работел во театар во Франција. Дошол во Турција и почнал да глуми и да режира во театар, серии и филмови. Неговата пробивна улога е Алекс во историската серија Збогум Румелија (Elveda Rumeli) за Турците во Македонија, кога се распаѓала Отоманската Империја. Тој глумел во ТВ сериите Глува соба (Sağır Oda), Сопругата на обвинителот (Savcının Karısı), Мехмет: Освојувачот на еден свет (Mehmed: Bir Cihan Fatihi), Нека дојде животот како што знае (Gelsin Hayat Bildiği Gibi). Тој се приклучил на криминалните серии Долина на волците: Заседа (Kurtlar Vadisi: Pusu), Сакарија-Еуфрат (Sakarya-Fırat). Имал споредни улоги во Султан Маками (Sultan Makamı), Двор (Avlu), Голем егзил: Кавказ (Büyük Sürgün:Kafkasya). Негови значајни филмови се Без сенки (Gölgesizler), Деца од друго соседство (Başka Semtin Çocukları).

Тој е сосценарист и глумец на Лимонада (Limonata) во режија на Али Атај. Со Али Атај глумел во хумористичните серии Само биди среќен (Mutlu Ol Yeter), Шереф-бег (Şeref Bey) и во криминалистичките серии Денот на мечот (Kılıç Günü).^[6]

Шабан се оженил со глумицата Ебру Озкан на 3 јуни 2016 година. Двојката има ќерка по име Бириџик.^{[7][8][9] [10]}

Извор:^[11]

• Ертан Шабан на IMDb
• Ертан Шабан на Инстаграм