Кормило

Кормило^[1][2], крма^[3][4] или дујмен^[5][6] — уред на брод, чамец, подморница или авион што се користи за одредување и одржување на насоката или за управување во насока лево-десно. Кормилото се состои од струк, глава, лист и петица на кормилото.

Струк на кормилото е горниот, зајакнат дел од кормилото кој на самиот врв има стеснување на кое се закачува рудата на кормилото или зајакнување во кое се вовлекува рудата. Кај поголемите бродови и подморници, струкот се повлекува во внатрешноста на бродот каде што е поврзан со уредот за ротација на кормилото. Слично е и за авионите.

Глава на кормилото е самиот врв на струкот на кормилото, кој обично се зајакнува кај чамците за да се спречи абење и оштетување.

Лист на кормилото е дел од кормилото што го насочува бродот, односно низ кој тече водната маса за време на патувањето. Изработен е од дрво или железо. Дрвените кормила се направени од повеќе делови, а металот од едно парче.

Петица на кормилото е долниот дел од кормилото кој е зајакнат за да се спречи пукање и оштетување на кормилото.

• 
  Кормило на голем брод
• 
  Кормило на помал брод
• 
  Кормило со сите негови делови
• 
  Различни типови кормила