Кумановско-осоговска епархија

Кумановско-осоговска епархија
Осоговски манастир
Јазик	македонски, старословенски
Седиште	Куманово
Територија	Куманово, Крива Паланка, Кратово
Основач	МПЦ
Признавање	православие
Мрежно место	http://koe.mk

Кумановско-осоговска епархија — една од 15. епархии на Македонската православна црква - Охридска архиепископија (МПЦ-ОА).

Епархијата е создадена со одлука на Светиот Архиерејски Синод на МПЦ-ОА на 17 септември 2013 година, како една од наследничките на Полошко-кумановската епархија. Епархијата ја возглавува Неговото Високопреосвештенство митрополитот Григориј. Оваа епархија се протега на територијата на градовите: Куманово, Кратово и Крива Паланка.

Во минатото, во состав на епархијата влегувале следните архијерејски намесништва:

• Кумановско архијерејско намесништво: 60 цркви, 8 манастири, 12 параклиси и 120 крстови.
• Кратовско архијерејско намесништво: 12 цркви, 3 манастири, 9 параклиси и 19 крстови.
• Кривопаланечко архијерејско намесништво: 13 цркви, 1 манастир, 7 параклиси и 50 крстови.

Денес, епархијата е поделена само на Кумановско-кратовско архијерејско намесништво и Кривопаланечко архијерејско намесништво.

• Јосиф - 10 ноември 2013 - 22 мај 2020
• Григориј - 26 јули 2020 - денес

Најпознати манастири во оваа епархија се:

• Осоговски манастир
• Карпински манастир
• Нагоричански манастир
• Псачки манастир
• Жеглиговски манастир

Во Кумановско-осоговската епархија се развива активна издавачка дејност, во рамките на која се издава епархискиот тромесечник „Тавор“.

Објект на епархијата во близина на црквата „Св. Ѓорѓи“ во селото Старо Нагоричане

• 
  Поглед на објектот
• 
  Влезот во објектот
• 
  Објектот погледнат од дворот на црквата
• 
  Плоча на објектот

• Официјално мрежно место

п р у Епархии на Македонска православна црква - Охридска архиепископија Македонија Брегалничка Дебарско-кичевска Делчевско-каменичка Дељадровско-илинденска Крушевско-демирхисарска Кумановско-осоговска Повардарска Преспанско-пелагониска Скопска Струмичка Тетовско-гостиварска Странство Австралиско-новозеландска Австралиско-сиднејска Американско-канадска Европска Поранешни Полошко-кумановска Злетовско-струмичка