Леонардо Спинацола

Леонардо Спинацола
Лични податоци
Роден на	25 март 1993 (32 г.)
Роден во	Фолињо, Италија
Држава	Италија
Висина	1,90 м
Позиција	одбрана
Клупски податоци
Сегашен клуб	Наполи
Број	37
Младинска кариера
	Виртус Фолињо
	Сиена
	Јувентус
Кариера*
Репрезентација

Леонардо Спинацола (италијански: Leonardo Spinazzola; р. 25 март 1993 во Фолињо) — италијански фудбалер, играч од одбраната на Наполи и на италијанската репрезентација.

Технички одлики

Лев бек, кој исто така може да биде користен по десната страна, се одликува со големи физички и атлетски квалитети, отпорен на притисок и одличен во промената на темпото.^[1] Меѓу неговите најдобри квалитети се дриблингот, особено лажњакот, правејќи двојни чекори напред што му овозможува лесно да го надтрча противникот:^[1] оваа способност го прави многу ефикасен во двобоите еден на еден и во натпреварите со брзо темпо на игра.^[1]

Исто така, тој се одликува со голема брзина. Во ситуација кога ја има топката во својте нозе, најчесто одбегнува да навлегува кон средината на теренот и се движи напред по својата страна од каде што потоа испраќа дијагонално додавање кон напаѓачите или играчот од средниот ред од спротивната страна на теренот; неговиот стил на игра се одликува со први допири и брзина, чести излети на противничката половина и напаѓање во длабочина.^[1] Наспроти тоа, меѓу неговите слабости во играта се воздушните двобои и сопирање на противникот.^[1] Според стилот на игра тој е споредуван со Џанлука Ѕамброта,^[1] играч за кој Спинацола изјавил дека го вдахновува.^[2]