Национален уметник на Македонија

Национален уметник на Република Македонија — титула која ја доделува Претседателот на Република Македонија врз основа на предлог од министерот за култура, а по претходно мислење на комисија. Се доделува на уметник кој создава дела од уметничкото творештво или изведува дела како актер, режисер, костимограф, сценограф, ликовен уметник, фотограф и архитект, вокално-инструментален солист, диригент, композитор, писател, сценарист, кореограф и балетски уметник.

Титулата почнала да се доделува од 2011 г. согласно посебно донесениот закон за оваа титула. Секој носител на титулата доживотно секој месец добива 60.000 денари и има право да му се издаде монографија за неговото творештво од буџетот на државата.

Наградата за последен пат била доделена во 2016-та година, кога била укината.

Со законот со кој истата била укината, на националните уметници кои веќе се стекнале со титулата им се гарантирала натамошна исплата на вклучената сума.^[1]

Титулата претставува е највисоко признание од областа на културата во земјата и се доделува на уметник кој исполнува општи и поединечни критериуми:^[2]

• Наградениот треба да им исклучителен придонес во градењето и унапредувањето на културата и уметноста на Република Македонија, како и за нејзина афирмација во светот; или
• Да е добитник на една од следниве државни награди: „11 октомври“ за животно дело, „11 октомври“ за долгогодишни остварувања во културата и уметноста, „Св. Климент Охридски“ за долгогодишни остварувања во културата и уметноста или „23 октомври“ за долгогодишни остварувања во културата.

Покрај општите критериуми, уметникот од областа на ликовната уметност треба да исполнува поединечни критериуми за остварувања во земјата и странство, кои се разликуваат во зависност од дејноста и творештвото на уметникот. Тие се наведени во Член 3 од Закон за националниот уметник на Република Македонија.

Име	Дејност	Слика	Година
Симон Трпчески	пијанист		2011 [3]
Милчо Манчевски	режисер		2012 [4]
Есма Реџепова	пејачка на ромска и македонска народна музика		2013 [5]
Борис Трајанов	оперски пејач		2014 [6]
Ана Дурловски	оперска певица		2015 [7]
Никола Маџиров	поет		2016[8]

• Национален уметник — други вакви титули во светот
• Народен артист

• Закон за националниот уметник на Република Македонија Архивирано на 7 февруари 2017 г.

п р у Национални уметници на Република Македонија Симон Трпчески (2011) Милчо Манчевски  (2012) Есма Реџепова (2013) Борис Трајанов (2014) Ана Дурловски (2015) Никола Маџиров (2016)