ОУ „Дане Крапчев“ - Ченто

Основно училиште „Дане Крапчев“ (официјално: Општинско основно училиште „Дане Крапчев“ - Ченто; скратено: ООУ „Дане Крапчев“) — централно основно училиште во скопската населба Ченто, Општина Гази Баба.^[1]

Училиштето е именувано по македонскиот партизан и комунист Дане Крапчев.

Реонот на училиштето ја опфаќа територијата на урбаната заедница Маџари 2, односно десната страна на улицата „Антон Попов“ од влезот на населбата и улицата „Финска“ како и населеното место Инџиково.

Училиштето е изградено во 1978 година. Училишната зграда е современ градежен објект од цврста градба која наполно одговара за својата намена. Функцијата како современ објект ја надополнуваат спортските терени и пошироките зелени површини.

Училиштето располага со 4.200 м² училиштен простор и 7.150 м² училиштен двор. Наставата во училиштето се изведува на македонски јазик со вкупно 1.033 ученика распоредени во 36 паралелки. Наставата се изведува во две смени. Училиштето организира и продолжен престој за своите ученици.

• Ванчо Јовчев - член на музичката група Синтезис, наставник по музичко Образование