ОУ „Страшо Пинџур“ - Кавадарци

Страшо Пинџур
Поглед на основното училиште
Место
Општина:	Општина Кавадарци
Наречено по:	Страшо Пинџур
Нас. место:	Кавадарци
Адреса:	ул. „Димката Ангелов Габерот“, бр. 3
Местоположба
Основни информации
Основано:	1956; пред 69 години (1956)
Настава на:	македонски
Контактни информации
Мреж. место	strashopindzur.edu.mk/

Основно училиште „Страшо Пинџур“ (официјално: Основно општинско училиште „Страшо Пинџур“ - Кавадарци; скратено: ООУ „Страшо Пинџур“) — централно основно училиште во градот Кавадарци, Општина Кавадарци.^[1]

Училиштето е именувано по македонскиот партизан Страшо Пинџур.

Зградата на училиштето започнала да се гради 1939-1940 година како Нижа гимназија (позната како Старата гимназија), а изградбата била завршена во 1941 година, но не работела бидејќи во неа биле сместени војници на Кралството Југославија.

Зградата имала 10 училници, две канцеларии, два кабинета и неколку помошни простории. За време на бугарската окупација имало два класа со вкупно 67 ученика, а наставата се одвивала на бугарски јазик. Во 1945 година била преобразувана во Народна гимназија и како таква работела сè до 1956 година кога била преобразувана во основно училиште „Страшо Пинџур“.

Во состав на училиштето работат: од 1975 година посебни паралелки, од 1992 година полни подрачни училишта во Дреново и Возарци од I до IX одделение и ученички дом-интернат во Дреново, а во Марена од I до V одделение. Во училиштето од 2001/02 година работи дневен престој за сите ученици од општината.^[2]

Во составот на училиштето влегуваат следниве подрачни училишта:

• ПУ „Страшо Пинџур“ - Возарци, подрачно деветгодишно училиште на македонски наставен јазик;
• ПУ „Страшо Пинџур“ - Дреново, подрачно деветгодишно училиште на македонски наставен јазик; и
• ПУ „Страшо Пинџур“ - Марена, подрачно петгодишно училиште на македонски наставен јазик.

• 
  Зградата и училишниот двор
• 
  Мурал на зградата на училиштето

• Матична страница