ОУ „Страшо Пинџур“ - Карбинци

Страшо Пинџур
Поглед на основното училиште
Место
Општина:	Општина Карбинци
Наречено по:	Страшо Пинџур
Нас. место:	Карбинци
Адреса:	с. Карбинци
Местоположба
Основни информации
Основано:	1973; пред 52 години (1973)
Број на ученици:	221 (2024/25)
Настава на:	македонски
Контактни информации
Мреж. место	ou-strasopindzur.mk/
Е-пошта	s_pinjur@yahoo.com
Телефон	032/300-002
Факс	032/300-002

Основно училиште „Страшо Пинџур“ (официјално: Основно општинско училиште „Страшо Пинџур“ - Карбинци; скратено: ООУ „Страшо Пинџур“) — централно основно училиште во штипското село Карбинци, Општина Карбинци.^[1] Училиштето се наоѓа надвор од самото село, заедно со сите останати административни градби.

Училиштето е именувано по истакнатиот македонски народен херој Страшо Пинџур.

Училиштето се наоѓа во непосредна близина на реката Брегалница, покрај селото Карбинци. Сместено е веднаш до самата општинска зграда. ^[2]

Од кажувања на мештаните се дознава дека почетоците на училиштето се од турско време. Повеќе пати го менувало своето име, но не се документирани тие промени. По стекнувањето на независноста, училиштето го добило денешното име.^[2]

Во 2010 година училиштето било комплетно реновирано со помош на УСАИД и Министерството за Образование на Македонија. Старата училишна зграда била преадаптирана за кабинетска настава и медиотека.^[3]

Во училиштето наставата се изведува на турски и на македонски наставен јазик.^[2]

Во составот на училиштето влегуваат следниве подрачни училишта:^[2]

• ПУ „Страшо Пинџур“ - Караорман, подрачно училиште на македонски наставен јазик;
• ПУ „Страшо Пинџур“ - Таринци, подрачно училиште на македонски наставен јазик;
• ПУ „Страшо Пинџур“ - Долни Балван, подрачно училиште на македонски наставен јазик;
• ПУ „Страшо Пинџур“ - Крупиште, подрачно училиште на македонски наставен јазик;
• ПУ „Страшо Пинџур“ - Радање, подрачно училиште на македонски и на турски наставен јазик;
• ПУ „Страшо Пинџур“ - Калаузлија, подрачно училиште на македонски наставен јазик;
• ПУ „Страшо Пинџур“ - Прналија, подрачно училиште на турски наставен јазик;
• ПУ „Страшо Пинџур“ - Кучица, подрачно училиште на турски наставен јазик; и
• ПУ „Страшо Пинџур“ - Оџалија, подрачно училиште на турски наставен јазик.

• 
  Влезот
• 
  Фудбалското игралиште
• 
  Поглед на училиштето
• 
  Управен објект
• 
  Старото училиште
• 
  Влезот во управниот објект
• 
  Табла со името на училиштето

• ОУ „Страшо Пинџур“ - Карбинци на Ризницата ^?