Остерхолц-Шармбек

**Остерхолц-Шармбек**
	Остерхолц-Шармбек Osterholz-Scharmbeck ;
	Градското собрание на Остерхолц-ШармбекГрадското собрание на Остерхолц-Шармбек
	Остерхолц-Шармбек
	Управа
Земја	Германија
Покраина	Долна Саксонија
Округ	Остерхолц
Градски единици	10
Градоначалник	Торстен Роде (независен)
	Основни податоци
Површина	146,91 км2
Надм. височина	11 м
Население	30.659 (31 декември 2022)
- Густина	209 жит/км2
	Други информации
Часовен појас	CET/CEST (UTC+1/+2)
Рег. табл.	OHZ
Пошт. бр.	27711
Повик. бр.	04791
Портал	www.osterholz-scharmbeck.de
Местоположба на градот Остерхолц-Шармбек во рамките на округот Остерхолц
	Карта
Координати	53°13′0″N 8°48′0″E / 53.21667°N 8.80000°E

Остерхолц-Шармбек (германски: Osterholz-Scharmbeck; долногермански: Oosterholt-Scharmbeek) — град во округот Остерхолц, во сојузната покраина Долна Саксонија, Германија. Претставува административно седиште на округот Остерхолц. Градот се наоѓа помеѓу градовите Бремен и Бремерхафен.

Тој е единствен град во округот Остерхолц. Настанал во 1927 година со спојување на дотогашните општини Остерхолц и Шармбек. Две години подоцна добил градски права.

Географија

Местоположба

Остерхолц-Шармбек се наоѓа во Северногерманската Низина, околу 22 километри североисточно од Бремен, во близина на реката Хаме, со кој градот е поврзан со Остерхолцер Хафенканал. Преку каналот Хаме-Осте денес постои пловна врска со Елба. Источно од градот се протега мочуриштето Тојферлсмор.

Градски единици

Градот Остерхолц-Шармбек се состои од градско јадро и девет градски единици:

Фрајсенбител
Гарлштет
Хајлсхорн

Хилзеберг
Оленштет
Пенигбител

Зандхаузен
Шармбекстотел
Тојферлсмор

Други места, кои немаат административна структура, се следниве:

Аренсфелде
Алтенбрик
Алтендам
Ауф Дем Раден
Ауф Дем Руш

Баргтен
Бредбек
Бушхаузен
Бител
Фелдхоф

Хасла
Хинтер Дем Хорн
Катенхорн
Ланге Хајде
Линтел

Мускау
Миле
Нидерзандхаузен
Рушкамп
Зетенбек

Форволде
Вестербек
Висте

Историја

Местото било првпат споменато во 1043 година како Скирнбеки (Scirnbeci). Од 1180 година, Шармбек припаѓал на Архиепископијата Бремен. Манастирот во Остерхолц бил основан во 1182 година и постоел до 1650 година, кога Долна Саксонија станал главно протестантска. Во 1648 година, Архиепископијата станала Војводство Бремен, кое најпрвин било владеено во личен сојуз од Швеѓаните, а од 1715 година од Хановерската династија. Во 1823 година, Војводството било укинато и територијата станала дел од областа Штаде во рамки на Кралството Хановер.

Во 1927 година, двете општини Остерхолц и Шармбек биле споени во една, а во 1929 година општината ги добила градските права.

Помеѓу 1978 и 1992 година, 4.200 војници на американската војска биле сместени тука, како и околу 4.000 членови на нивните семејства.

Население

1904: 4.701^[2]
1909: 6.060
1945: 12.500
1961: 19.258
1987: 24.150
2004: 31.145
2005: 31.055
2010: 30.218

Политика

Градски совет

Градскиот совет се состои од 38 избрани членови, што одговара за градови со број на жители помеѓу 30.001 и 40.000 жители.^[3] Членовите се избираат на општи избори на секои пет години.

На последните општински избори на 11 септември 2016 година биле добиени следниве резултати:

Распределба на местата во Градскиот совет
Година	SPD	CDU	GRÜNE	FDP	Граѓанска фракција	LINKE^*	NPD	Gesamtzahl
2016	14	10	4	1	4	4	1	38
2011	18	10	4	1	3	2	—	38
2006	19	11	2	2	2	2	—	38
2001	20	11	2	1	4	—	—	38