Палестинска самоуправа

Палестинска самоуправа (најчесто, Палестина) — автономна административна организација што номинално управува со делови од Западниот брег и целиот појасот Газа (кои се дел од Палестинските територии).

Палестинската самоуправа е основана во 1994 година, согласно со Договорот од Осло помеѓу Палестинската ослободителна организација (ПЛО) и израелската влада.

Прв претседател на Палестинската самоуправа бил Јасер Арафат, а негов наследник и денешен претседател е Махмуд Абас. На парламентарните избори во јануари 2006 година радикалното исламистичко движење Хамас ја победи ПЛО и формира влада на чело со Исмаил Ханија. Тензиите помеѓу Хамас и Фатах во текот на 2006 година стануваат се поизразени и почнуваат да добиваат насилни облици. Во судирите што избувнаа од 14 до 16 јуни 2007 година, Хамас ја презеде контролата над Појасот Газа.

Согласно Договорот од Осло, Палестинските територии Западен Брег и Појас Газа се поделени на три подрачја (А, Б и В) и 16 области под Палестинска самоуправа. Од 2007 наваму, две посебни управи полагаат право на власт врз Палестинската самоуправа — едната на Западниот Брег, а другата во појасот Газа.

• Појас Газа
• Западен Брег
• Палестинска ослободителна организација
• Палестина
• Палестински територии

п р у Области во Палестина Западен Брег Витлеем Ерихон Ерусалим Калкилија Наблус Рамала и ел-Бира Салфит Тубас Тулкарм Хеброн Џенин Појас Газа 1 Газа Дејр ел-Бала Рафа Северна Газа Хан Јунис 1 од јуни 2007 наваму, Појасот Газа е под дефакто управа на организацијата Хамас.