Радован П. Цветковски

Радован П. Цветковски (3 септември 1931 — 23 јануари 2022) — македонски поет, раскажувач, книжевен критичар, писател за деца и млади и фолклорист.

Роден е во Сопотница, Демирхисарско. Основното образование го започнува во родното село, а го завршил во Битола (1947). Средното образование го започнал во Учителската школа „Браќа Миладиновци“ во Битола, а го завршил во Учителската школа „Никола Карев“ во Скопје. Потоа продолжува на Вишата педагошка школа и Филозофскиот факултет - група југословенска книжевност со македонски и српски јазик.

Првото вработување му било како учител во селото Лесково, а учителствувал и во други села во Демир Хисар (Радово, Сопотница, Жван и Прибилци).

Долго време бил во редакцијата на списанието „Развиток“ од Битола. Член е на Друштвото на писатели на Македонија, на Македонското научно друштво - Битола и на Друштвото на фолклористите на Македонија.^[1] исто така, бил член на Советот на Собранието на Друштвото на писателите на Македонија и еден од покренувачите на манифестацијата „Тумбе Кафе - кафе песна“ од 2011 година. Соработувал со повеќе македонски и странски списанија и весници: „Современост“, „Нова Македонија“, „Литературен збор“, „Раст“, „Стожер“, „Современи дијалози“ итн.^[2]

Починал во 2022 година по кратко боледување.^[3]

• Моето поднебје (1971)
• Кругови од лузни (1974)
• Камен и небо (1977)
• Бели несоници (1982)
• Дедо ми во балканските војни (1985)
• Кога ѕвездите кон небото паѓаа (1993)
• Јазли на душата (1996)
• Корени од прагот (1998)
• Даги (1999)
• Прекршено време (1999)
• Сонето претчувство (2006)
• Потпрено небо (2012)

• Ангелот и клучот (1995)
• Блиску до умот (2009)

• Смокот пештерски (1994)
• Рашко (1997)
• Приказни од лозје (2000)

• Видувања (2003)
• Отаде и одавде времето (2003)

• Македонски народни пословици (1993)
• Сказанија демирхисарски (1996)
• Демирхисарски и други сказанија (2003)

• Студија за демирхисарскиот говор (2006)
• Речник за демирхисарскиот говор (заедно со Божо Стефановски) (2008)

• Печатарството и издаваштвото во Битола (1999)
• Македонски писатели - биобиблиографски прирачник (2000)

• Трета награда за песна на весникот „Трудбеник“ (1976)
• Прва награда за поема на ЈУ средбите во Краљево (1982)
• 4 Ноември - награда за Општина Битола (1983 и 1999)
• Втора награда за поезија на Меѓународната манифестација „Празник на липите“ (2005)
• Трета награда за поезија на Меѓународната манифестација „Празник на липите“ (2007)
• Награда за животно дело на Општина Демир Хисар (2010)
• Плакета „50 години Македонско научно друштво - Битола (2010)
• Голема плакета на Сојузот на боречки организации на Македонија (2011)

Оваа статија македонски писател е никулец. Можете да помогнете со тоа што ќе ја проширите. п р у