Револуционер

Револуционер — лице што активно учествува во или проповеда револуција. Ова е човек со превратнички дух, незаводолен од постојната состојба во општеството.^[1]

Револуционерот има за цел да изврши големо и ненадејно влијание во него, со цел да се постигнат темелни и трајни промени. Ова го разликува од реформистот, кој застапува постепени промени. Конзервативец е оној кој е противник на сите промени. Реакционер е оној што настојува нештата да се вратат по старо, како што биле пред да претрпат промени.

Според социологот Џејмс Чаунинг Дејвис, политичките револуционери можат да се поделат на следниве начини:

1. Според целите на револуцијата што ја застапуваат. Обично овие цели се пропишани од извесна идеологија. Во теорија, секоја идеологија би требало да има свој вид на револуционери. Во практика, највеќето револуционери досега биле либерали, републиканци, демократи, националисти, социјалисти, комунисти, фашисти или анархисти.
2. Според начинот (средствата) за постигнување на целите. Ова ги дели на две пошироки групи: оние што сметаат промените треба да се извршат насилно, оние што се пацифисти.

Во делото „Кетихизис на револуционерот“, револуционерните анархисти Михаил Бакунин и Сергеј Нечаев се искажале вака:

Револуционерот е човек осуден на пропаст. Нема свои интереси, ни работи, ни чувства, ни приврзаности, ниту имот, па нема ни име. Сè во него е проголтано од една единствна цел, една мисла, една страст — револуцијата. Во длабочината на неговото битие, не само на збор, туку и на дело, тој ги раскинал сите врски со општествениот поредок и со сиот образован свет; со сите закони, со пристојноста, општопризнатите норми, и моралитетот на тој свет. Тој е неговиот безмилосен непријател...^[2]

Марксистичкиот револуционер Че Гевара за револуционерите се искажал вака: „Дозволете да кажам, со ризик да испаднам смешен, дека вистинскиот револуционер е воден од силното чувство на љубов.... Секојдневно мора да се бориш, зашто таа љубов кон живото човештво се преобразува во конкретни дела, во дела кои ќе служат за пример, како мобилизирачки фактор.“^[3]

• Револуција
• Контрареволуција
• Список на македонски револуционери

• Кастро: Револуционерот како славна личност Архивирано на 7 август 2009 г. - Life (англиски)