Риболов

Риболов или рибарство — стопанска гранка чија задача е одгледување, ловење и преработка на рибите. Рибата има значајна улога во исхраната на населението. Освен тоа, во некои земји од неа се произведува вештачко ѓубриво. Луѓето ја употребуваат рибата на повеќе начини и тоа, како солена, сушена или конзервирана.

Риболовот може да биде речен, езерски или морски. Најзначаен е морскиот риболов, бидејќи во морињата се лови најголемо количество риба. Во морињата и океаните рибата се лови на современ начин, со специјални мрежи и бродови, додека китовите се ловат со харпуни.

Езерскиот риболов е застапен на сите поголеми езера, како што се: Големите Езера во САД, Каспиското, Бајлакското, Аралското, Тангањика, Викторија, Њаса, Чад и др.

Речниот риболов е застапен на сите реки, а најмногу риба се лови на големите реки, како: Волга, Мисисипи, Ганг, Дунав, Јанцекјанг, Хоангхо и др.

• „Султанот и рибарот“ — приказна на африканското племе Свахили.^[1]
• „За синот на сиромашниот рибар“ — полска народна приказна.^[2]
• „За рибарот и неговите три сина“ — полска народна приказна.^[3]
• „На рибарите“ (српски: Аласима) — српска народна песна.^[4]
• „Рибару, рибару!“ — песна за деца на хрватскиот поет Григор Витез.^[5]
• „Рибари“ — басна на старогрчкиот баснописец Езоп.^[6]
• „Итар Пејо и селаните риболовци“ — расказ на македонскиот писател Стале Попов.^[7]
• „Рибарска“ — песна на македонскиот поет Анте Поповски.^[8]
• „Сказна за рибарот и рипката“ — бајка во стихови на рускиот писател Александар Сергеевич Пушкин од 1833 година.^[9]
• „Рибарска незгода“ — песна на македонскиот поет Живко Ризовски од 1995 година.^[10]
• „Неодоливиот рибар“ — краток расказ на македонската писателка Оливера Ќорвезироска од 2021 година.^[11]
• „Рибар“ (англиски: Fisherman) — песна на јамајската реге-група Конгос (The Congos) од 1977 година.^[12]
• „Рибари со харпун“ (хрватски: Ribiči s harpunom) — слика на хрватскиот уметник Мијо Ковачиќ од 1965 година.^[13]
• „Рибар“ (хрватски: Ribič) — слика на хрватскиот уметник Мирко Вириус од 1939 година.^[13]
• „Риболовот на китови на Гренланд“ (англиски: Greenland Whale Fisheries) - песна на ирската рок-група Поугс (The Pogues) од 1984 година.^[14]