Дунав

Дунав
Дунав во Будимпешта
Текот на Дунав
Изворно име	Donaucode: de is deprecated   (германски) Dunajcode: sk is deprecated   (словачки) Dunacode: hu is deprecated   (унгарски) Dunavcode: hr is deprecated   (хрватски) Дунавcode: sr is deprecated   (српски) Дунавcode: bg is deprecated   (бугарски) Dunăreacode: ro is deprecated   (романски) Дунайcode: uk is deprecated   (украински)
Местоположба
Држави	Германија Австрија Словачка Унгарија Хрватска Србија Бугарија Романија Молдавија Украина
Градови	Улм Инголштат Регенсбург Пасау Линц Виена Братислава Ѓер Комарно Будимпешта Дунаујварош Мохач Апатин Вуковар Илок Бачка Паланка Нови Сад Сремски Карловци Белград Панчево Смедерево Дробета-Турну Северин Видин Ѓурѓу Русе Силистра Калараши Браила Галац Рени Измаил Килија Тулча Сулина
Физички особености
Извор	Брег
• место	Фуртванген им Шварцвалд, Баден-Виртемберг, Германија
• координати	48°05′44″N 08°09′18″E / 48.09556°N 8.15500°E / 48.09556; 8.15500
• надм. вис.	1,078 m
Спореден извор	Бригах
• место	Санкт Георген им Шварцвалд, Баден-Виртемберг, Германија
• координати	48°06′24″N 08°16′51″E / 48.10667°N 8.28083°E / 48.10667; 8.28083
• надм. вис.	940 m
Влив на изворите
• место	Донауешинген, Баден-Виртемберг, Германија
• координати	47°57′03″N 08°31′13″E / 47.95083°N 8.52028°E / 47.95083; 8.52028
Устие	Делта на Дунав
• место	Романија
• координати	45°13′3″N 29°45′41″E / 45.21750°N 29.76139°E / 45.21750; 29.76139
Должина	2,850 km[1]
Големина на сливот	801,463 km2[2]
Ширина
• најмала	Среден Дунав (Ѓердапска Клисура) 150 m; Долен Дунав (Браила) 400 m[3]
• просечна	Горен Дунав 300 m; Среден Дунав 400-800 m; Долен Дунав 900-1,000 m[4][3][2]
• најголема	Среден Дунав 1,500 m; Долен Дунав 1,700 m[2][3]
Длабочина
• најмала	1 m (Горен Дунав)[2]
• просечна	Горен Дунав 8 m; Среден Дунав 6-10 m, 53 m (Ѓердапска Клисура); Долен Дунав 9 m[4][3][2][5]
• најголема	Среден Дунав (Ѓердапска Клисура) 90 м (300 ст); Долен Дунав 34 m[3]
Проток
• место	Делта на Дунав
• просечен	(период: 1931–2020)6,452 m3/s[7][8]
• најмал	1,790 m3/s[6][7]
• најголем	15,900 m3/s[6][7]
Проток
• место	Белград
• просечен	(период: 1931–2020)5,300 m3/s[7]
Проток
• место	Будимпешта
• просечен	(период: 1931–2020)2,350 m3/s[7]
Проток
• место	Виена
• просечен	(период: 1931–2020)1,920 m3/s[7]
Проток
• место	Пасау (Баварија, 30 km пред градот)
• просечен	(период: 1931–2020)580 m3/s[7]
Особености на сливот
Течение	Црно Море
Речен слив	Дунавски

Дунав (гер. Donau, слов. Dunaj, унг. Duna, ром. Dunărea, хрв. Dunav, ср. Дунав, укр. Дунай) — втора најдолга река во Европа по Волга.

Таа е единствената голема река во Европа, која тече во насока од запад на исток. Извира од планината Шварцвалд (со надморска височина на изворите 1078 метра) во Германија, каде што две помали реки, Бригах и Брег, се сливаат во селото Донауешинген и оттаму реката се нарекува Дунав. Од тоа место таа тече на југоисток во продолжение на 2859 км, вливајќи се преку делта (која се граничи со Украина) во Црно Море на романска територија.

Поминува низ многу земји од средна и источна Европа: Германија, Австрија, Словачка, Унгарија, Хрватска, Србија, Бугарија, Романија, Молдавија и Украина. Минува низ повеќе главни градови и тоа: Виена, Братислава, Будимпешта, Белград.

При вливот во Црно Море таа се разделува на три ракава – Килиски, Сулински и Георгиевски. Најсеверниот – Килискиот ракав, служи за граница на Романија и Украина. Средниот ракав – Сулинскиот, е најполноводниот и најдлабокиот.

Реката Дунав секогаш била важна врска меѓу Западна Европа и Црно Море. Во III век таа е северна граница на Римското Царство (и на латински е наречена Danubius), а тврдините, изградени на бреговете, служеле за заштита од нападите на Готите, Хуните и Словенските племиња. Подоцна Дунав бил пат за достап до Цариград. Крстоносците ја користеле реката како транспортна артерија за походите до Светите места.

Реката Дунав започнува да се користи како трговска врска во XVIII век. Марија Тереза, царицата на Австрија од Хабсбуршката династија, формира комисија, која го регулира пловењето по реката. Во XIX век Дунав се претвора во важна трговска врска меѓу Западна Европа и земјите од Балканскиот Полуостров.

Дунав станува пловна река, откако прима многу алпски притоки. Околу 30 од нејзините 300 притоки исто така се пловни. Поважни се: Ин, Морава, Драва, Тиса, Сава и Прут. Длабочината на Дунав на места е повеќе од 30 м. За време на месеците мај и јуни реката е најполноводна. Во зима над реката се образуваат густи и непрогледни магли, а поради ниските температури површинските слоеви замрзнуваат.

Реката Дунав е важен меѓународен воден пат. Тој е определен од Европската Унија за трансевропски транспортен коридор № 7. Тој минува низз 9 држави.

Некои големи градови, кои се расположени на реката, се:

• во Германија: Улм, Инголштат, Регенсбург, Пасау;
• во Австрија: Линц, Кремс, Виена;
• во Словачка: Братислава;
• во Унгарија: Будимпешта;
• во Хрватска: Вуковар;
• во Србија: Нови Сад, Белград;
• во Романија: Турну Северин, Браила, Галац, Тулча;
• во Бугарија од запад на исток се градовите Видин, Лом, Козлодуј, Орјахово, Никопол, Белене, Свиштов, Русе, Тутракан и Силистра.

Некои дела од областа на уметноста и популарната култура ја обработуваат реката Дунав, како на пример:

• „Дунав“ - расказ на рускиот писател Едуард Лимонов.^[9]
• „Големиот господин Дунав“ (Велики господин Дунав) - песна на српскиот поет Васко Попа.^[10]
• „Ивчистил се бел Дунав избистрил се“ - македонска народна песна.^[11]
• „Рано ранила Петкана“ - македонска народна песна.^[12]
• „На убавиот син Дунав“ (An der schönen, blauen Donau) - валцер на австрискиот композитор Јохан Штраус.

п р у Дунав Земји Германија Австрија Словачка Унгарија Хрватска Србија Бугарија Романија Молдавија Украина Градови Улм Инголштат Регенсбург Пасау Линц Виена Братислава Ѓер Будимпешта Вуковар Нови Сад Белград Видин Русе Браила Галац Измаил Тулча Притоки Илер Лех Реген Изар Ин Морава Вах Хрон Ипељ Драва Тиса Сава Тамиш Голема Морава Тимок Жиу Искар Олт Осам Јантра Ведеа Арџеш Јаломица Сирет Прут Канали Рајна-Мајна-Дунав Дунав-Црно Море Поврзано Брег Бригах Делта Острови