Романтична фантастика, или „романтазија“, е поджанр на фантастиката што ги комбинира фантазијата и љубовнот роман, опишувајќи фантастична приказна користејќи многу од елементите и конвенциите на жанрот на витешкиот роман.[1] Една од клучните карактеристики на романтичната фантастика вклучува фокус на врски, социјални, политички и романтични.[2]
Како резултат на финансискиот успех на автори како Сара Џ. Маас и Ребека Јарос во 2000-тите, издавачите почнале да се фокусираат на овој поджанр. Некои издавачи прават разлика помеѓу „романтична фантастика“ каде што елементите на фантазијата се најважни и „фантастична романса“ каде што романсата е најважна.[1] Други велат дека „границата помеѓу фантастичната романса и романтичната фантастика во суштина престанала да постои, или ако сè уште е таму, постојано се движи напред-назад“.[3] Историчарот на игри, Сту Хорват, забележал: „Хероите и хероините на романтичната фантастика бараат социјална поврзаност и емоционално богатство. Наместо да продолжат сами, тие наоѓаат припадност во заедница и цел поголема од нив самите. Магијата и спиритуалните способности често се вродени таленти; интелигентните животни зборуваат; а општествата се егалитарни.“[4]
Тренд на романтична фантастика 2023–2024
Во 2023 и 2024 година, романтичните фантастични романи наречени „романтазија“ станале тренд на социјалните медиуми. Продажбата на книгите е во голема мера поттикната од промоцијата на социјалните медиуми, особено делот од TikTok познат како БукТок.[5] „Врајтерс Дајџест“ забележува дека голем дел од заслугите за порастот на жанрот романтична фантастика може да се припишат на платформи како што е „ТикТок“, каде што информациите се шират поефикасно со брзина и „влијателност“.[6]„Економист“ забележал дека жанрот е особено привлечен за оние кои пораснале читајќи фантастика за млади, како што е Хари Потер, и сега се заинтересирани за слични теми, но со возрасни теми за секс и романса.[7] Популарни авторки во жанрот се Сара Џ. Маас и Ребека Јарос, чии „Четврто крило“, „Железен пламен“ и „Бура од Оникс“ срушиле рекорди во продажба и се работи да бидат претворени во ТВ серија.[5][8] Авторите на романите означени како романса се претежно жени, како и купувачите, а романите се познати по тоа што ги претставуваат малцинствата.[7]
Значајни примери
Некои примери на медиуми во поджанрот романтична фантастика вклучуваат:
Толку темно и осамено проклетство од Бригид Кемерер
Волшебство на гаврани од Маргарет Роџерсон
Самрак од Стефани Мајер – љубовна приказна помеѓу Бела Свон, човечка девојка, и Едвард Кален, вампир, сместена во свет каде што натприродни суштества коегзистираат со луѓето.
Серијалот Бесмртници од Тамора Пирс
Серијалот за изгубен континент (познато како Арондејл) од Кетрин Асаро
Серијалот Приказни за петстотините кралства од Мерцедес Лаки
