Сашо Стефановски

Сашо Стефановски, познат и под псевдонимот Џанго Помалиот (1965 - Скопје, 1 јули 2023) — македонски писател, блогер и режисер.

Стефановски бил дипломиран електроинженер.^[1] Починал на 1 јули 2023 година.^[2]

Стефановски пишувал куса проза која ја објавувал под псевдонимот Џанго Помалиот. Своите раскази ги објавувал на фејсбук и на интернет-порталот Окно, а во 2018 година ја објавил збирката „Намали малце чалам“ која претставува осврт врз урбаниот маалски живот во скопската населба Кисела Вода. Исто така, тој е автор на наградениот драмски текст „Модерна алхемија“ што самиот го режирал во МКЦ кон крајот на 1980-тите.^[3] Три негови кратки раскази се застапени во антологијата на македонскиот краток расказ, „Џинџуџе во земјата на афионите“ (Темплум, 2022).^[4]